1 Korint 1:21 - DAWAN BÎLA AISKA

²¹ Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 1:21 ပူးပေါင်းရင်းမြစ်များ

Daniel 2:20

naha bîla nani aisi: “Gâd nina ba ban kaia ra yamni kulkan kabia, kan sins lâka bara karnika ba man brisma bamna.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Luk 10:21

Baha sim piua ra, Jisas Spirit Holikira bri ba mita lilia pali takan, bara win: “Aisa, man kasbrika pura bara tasba ba wal Dawanka sma ba, yang mamyunisni, kan man mita sinskira nani wina bara diara tânka kakaira nani wina sin naha diara nani na yukukram bamna, bara tuktan sirpi nani ra ni param marikram. Âu, Aisa, man baku want kapram ba mita sika.

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Jan 12:31

Bamna nanara sika naha tasba na lâka aisi daukan kaia piua ba, bara naha tasba wihtka tara aimaki ba sin latara lulkan kabia.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

1 Korint 1:18

Kraist dus prihni ra pruan sturka ba lika, tanis tiwi nani ba mapa ra sins âpu tânka baku sa; sakuna yawan swaki sakan lâka mata auya na wan mapa ra lika, bîla na Gâd karnika sa.

1 Korint 1:23

sakuna yang nani lika Kraist dus prihni ra pruan sturka ba aisi smalkisna. Sturka yamni na, Ju nani mapa ra swira dukia sa, bara Ju apia nani ba lika sins âpu dukia baku kulki banhwisa;

1 Korint 1:24

sakuna Gâd paiwan uplika nani ba lika, Ju nani apia kaka, Grik nani kabia kaka, Misaya ba Gâd karnika bara sinska lâka sika.

1 Korint 1:25

Bamna, upla nani mita, Gâd sins âpu lâka baku kulki dukia ba, baha lika upla sinska lâka purkara kau sins lâka kakaira ba uplika dukia sa; bara Gâd swapnika baku ba lika, upla karnika purkara kau karnika brisa.

1 Korint 1:27

Tasba uplika nani sins lâka kakaira baku kulki uplika nani ba, Gâd mita bâk sakan sa, sins lâka kakaira nani ba swira daukaia wisi; bara tasba uplika nani mita swapnikira baku kulki nani ba, witin mita bâk sakan sa, karnakira nani swira daukaia dukiara.

1 Korint 11:32

Sakuna Dawan wan lâka dauki ba ra, klala wankisa, tasba uplika nani aikuki pât ra wan dingkan kabia apia dukiara.

1 Korint 2:14

Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna.

1 Korint 4:10

Kraist tâwan yang nani na sins âpu baku ai kulkan; sakuna man nani lika Kraist tânka nani briaia mapa ra sinskira nani sma lukisma. Yang nani na swapni, sakuna man nani lika karna. Yang nani bahki ai kulki, sakuna man nani ra lika mai kulkisa.

1 Korint 6:2

¿Man nani kaikras sma ki, Gâd uplika nani mita tasba na lâka daukbia sa? ¿Bara man nani mita naha tasba na lâka daukaisma kaka, naha bisniska sirpi lupia nani na lâka daukaia sip apia sma ki?

Galesha 1:15

Sakuna yang kau aisubi takras kapri wina, Gâd pat bâk ai saki ai brin kan, bara witin uya pali latwan lâka bri ba mita ai paiwan. Witin baku brin daukan bamna,

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 3:10

Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut.

Kolosi 1:19

Gâd brin dauki kan Kraist ra aiska dimi iwi kaia.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

Jems 5:15

Bara witin nani kasak luki ai pura sunbia ba ra, siknis uplika ba rawbia, bara Dawan mita witin ra bukbia; bara saurka nani daukan kaka, sut swih tikan kabia.

Jems 5:20

man nani kaiki bas; ya ya mita saura dadaukra kum ra ai yabalka saura wina kli wapni ra mangkbia kaka, baha uplika sulka ba prura wina swaki sâkbia, bara saurka ailal ba sin swih tikan kabia.