1 Korint 1:2 - DAWAN BÎLA AISKA

² Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 1:2 ပူးပေါင်းရင်းမြစ်များ

Blasi Sturka 12:8

Baha wina bahara wiria takaski si kli impakan, Betel ilka untika lalmika tani ra wan; bahara ai tintka watla bapan. Betel ba muna tani ra tawan, Ai tawanka ba lalma tani ra. Baha wal lila kat altar wala kum paskan, bahara witin Dawan nina mâki ai pura sunan.

Blasi Sturka 4:26

Bara Set luhpa kum baikan, ai nina ba Enós mâkan. Bara upla nani ba mahka Dawan ra ai pura sunaia lâka ba tâ krikan.

Lawana Nani 45:11

kan king ba sika man pramna ba kaikan daukisa, witin ba sika man Dawankam, man bui witin bîla walaia sma.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 15:9

Gâd mita yawan na Ju apia nani ba wal kau sât aihka lika wan kulkras sa, kan witin nani ai kasak lukan lâka ba mita ai kupia nani sin klin sakan sa.

Apastil Nani Sturka 18:1

Naha diara ningkara, Pal Atenas wina taki Korint tawanka ra wan.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Apastil Nani Sturka 9:13

Naha walan ba ra, Ananías bila: “Dawan, baha waitnika dukiara upla ailal ai win, nahki diara saura manis daukan, man uplikam nani Jerusalem ra iwi nani ba mapara.

Apastil Nani Sturka 9:14

Bara nanara witin Damaskus ra aula kan, prîs tara nani wina karnika brih, baha nani man ninam ra ai pura suni nani ba alki priski silak ra brih waia.”

Apastil Nani Sturka 9:21

Baha nani wali kan ba sut aihka luki, naku win: —¿Naha sim waitnika apia, Jerusalem ra Jisas nina mâki ai pura suni nani ra rausauhki kata ba? ¿Bara nahara sin balan apia baha nani alki priski bri si prîs tara nani mihta ra mangkaia?

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 10:12

Bamna Ju nani wihki Ju apia uplika nani ba wal lika sât aihka apia sa; kan Dawan ba lika upla sut Dawanka sa, bamna ani uplika nani witin ai nina mâki wini ba sut ra yabisa.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 10:32

Upla kumi ra sin trabil munpara: Ju nani sapa, Ju apia nani sapa, Gâd sertska uplika nani sapa sin.

1 Korint 12:27

Baku bamna, man nani sut lika Kraist wîna tara nani sma, bara kumi bani baha wîna sirpika kum sma.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

2 Korint 1:1

Yang Pal, Gâd kupia lâka ba mita Jisas Kraist apastilka kum sna, wan muihni Timoti wal, Gâd sertska Korint tawanka tara ra banhwi ba sut ra bara Acaya tasbaya aiska ra, Gâd uplika nani bâra ba sut ra sin ulbisna.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Galesha 1:2

Bamna yang, bara wan muihni nani yang wal nani ba mita sin, naha wauhkataya na ulbisna, Galesha tasbaya ra serts nani bâra ba sut ra.

Epesus 5:26

Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

1 Tesalonaika 1:1

Yang Pal, Silvano bara Timoti aikuki Tesalonaika tawanka sertska ra wan muihni nani bâra ba, naha wauhkataya na ulbisna, witinka nani Gâd Aisa wal asla ba bara Dawan Jisas Kraist wal sin. Gâd ai yamnika bara ai kupia kumi lâka man nani puramra laikbia.

1 Tesalonaika 4:7

Gâd mita tâski lâka âpu iwbia wisi wan paiwan sa, kuna tâski lâka ra lika apia.

2 Tesalonaika 1:1

Yang Pal, Silvano bara Timoti kat asla Tesalonaika tawanka sertska ra wan muihni nani bâra banhwi ba ra, naha wauhkataya ulbisna, witinka nani lika Gâd wan Aisa wal asla ba, bara Dawan Jisas Kraist wal sin.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

2 Timoti 2:22

Baku bamna, wahma nani brinka karna ba wina tnaya ra taws, bara kasakka lâka nina blîks, kasak lukan lâka, latwan lâka bara kupia kumi lâka ba sin, baha nani ai kupia klin brih, Dawan ra hilp makabi wini nani ba sut aikuki.

Hibru Nani 10:10

Jisas Kraist ba Gâd kupia lâka kat dauki, aima kumi baman ai wîna tara ba sakripais dauki yaban; baha ba aitani sa ban kaia ra; baku daukan bamna, Gâd yawan na saura lâka ba wina klin wan daukan sa.

Hibru Nani 13:12

Baku sin, Jisas ba tawan getka lata tani ra prura pâtka ba wahwan, witin ai tâlia ni upla nani holikira nani daukaia dukiara.

Hibru Nani 2:11

Witin bui upla nani ba ai saurka nani wina tâski âpu daukisa, bara witin baha nani klin sakan ba sut sin, Aisika kumi luhpia nani sa. Baha mita, Jisas ba witin nani ra ai muihni wiaia ai swira lukras sa.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”