1 Korint 1:12 - DAWAN BÎLA AISKA

¹² Tânka mai wisna ba lika, man nani kumi bani diara aihka aisisma; kum kum bila wisa: “Yang lika Pal uplika sna”; wala bila: “Yang lika Apolos uplika”; wala bila: “Yang lika Pita uplika”; bara wala bila: “Yang lika Kraist uplika sna.”

1 Korint 1:12 ပူးပေါင်းရင်းမြစ်များ

1 King Nani 16:21

Bara Israel luhpia nani ba dakni wâl takan. Bakriki kum ba Tibní, Guinat luhpia ba ai kingka mangkaia luki kan, bakriki wala ba Omrí nina bliki kan.

Matiu 23:8

“Sakuna man nani lika upla nani yarka smasmalkra mai wibiara, kan man nani sut muihkam atia, bara Smasmalkra ba kumi baman brisma.

Jan 1:42

Ningkara Andru mita Saiman ba brih wan Jisas bâra kan ba kat, bamna Jisas kaiki, naku win: —Man ba Saiman, Jan luhpia, sakuna Cefas mai mâkan kabia (baha tânka ba: Pita).

Apastil Nani Sturka 18:24

Baha piua ra Epesus ra Ju waitna kum balan, ai nina Apolos. Witin ba Alejandría tawanka wina bara smasmalkra sin painkira kan, Ulbanka nani tânka sin kasak kaiki kan.

Apastil Nani Sturka 19:1

Apolos ba Korint ra kan ba ra, Pal lika laih il nani tasbaya nani bâk impaki ban Epesus kat balan. Bahara kristian tila nani wal prawan.

1 Korint 1:11

Muihki nani, naha na mai wisna, Cloe watla uplika nani mita man nani tilamra unsaban nani bâra sa ai win ba mita.

1 Korint 15:5

bara Pita ra latan takan, bara baha ningkara apastil wala nani ra sin.

1 Korint 15:50

Muihki nani, naha tânka na mai win ai daukisa: wîna bara tala ni paskan ba, sip Gâd King aimaki ba lâka ra ai dukia briras; kan ani dukia aisawi ba sip ban kaia dukiara ai dukia briras sa.

1 Korint 16:12

Bara wan muihni Apolos ra kasak makabi kapri, wan muihni nani aikuki man nani ra bal mai kaikbia, sakuna nanara lika balaia apia win; sakuna witin sans bribia ba ra, balbia.

1 Korint 4:6

Muihki nani, man nani painkam dukiara naha dukia sut na mai wisna, Apolos wih yang wal praki. Yang nani daukri ba baku daukma wisi naha na aisisna, bara baku mika lan taki kama diara nani ulban ba, pura lui kau kainamra waia apia. Man nani wina kumi sin upla kumi tâwan aimayuni bara wala ra bahki kulkaia lika apia sa.

1 Korint 7:29

Muihki nani, yang wiaia want sna tânka ba lika naku sa: yawan kau piu wiria baman brisa. Bamna, nanara wina ai tâura, marit waitna nani ba ai maya âpu baku iwi kaia sa;

1 Korint 9:5

bara baku yang sin kristian mairin kum mayi brih taukaia, apastil wala nani dauki ba baku, Dawan muihnika nani sin, bara Pita sin.

2 Korint 10:7

Man nani lika diara nani wan mawan kat ba baman kaikisma. Bamna ani uplika kasak lukisa witin ba Kraist dukia sa, baha ba ban ai kupia ra bri kaia sa, baha sim natka ra yang nani sut na sin Kraist dukia sna.

2 Korint 9:6

Naha diara nani na kupiam krauki bas: Ya wiria mangki ba, wiria krikan kabia; bara ya ailal mangki ba, ailal krikan kabia.

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

Galesha 3:17

Bamna aisisna ba lika naha sa: Gâd lika Ebraham wal lâ kum dauki pramis munan. Baha mita, Moses lâka 430 mani ningkara balan ba, sip apia sa Gâd lâ dauki pramis munan ba bahki sakaia.