1 Korint 1:10 - DAWAN BÎLA AISKA

¹⁰ Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

1 Korint 1:10 ပူးပေါင်းရင်းမြစ်များ

Lawana Nani 133:1

¡Kaiks, yamni bara painkira pali sa, muihni nani wal asla lâka ra iwaia ba!

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Matiu 9:16

“Upla kumi sin kwala almuk kum ra kwala raya ra sip mangkras, kan raya ba mita kwala almuk ba aubi kalkisa, bara kalwanka ba kau tara takisa.

Mark 2:21

“Upla kumi sin prâk raya ra kwala almuk praki sipras, kan raya ba mita almuk ba aubi kalkisa, bara kalwanka kata ba kau tara takisa.

Mark 3:24

Kuntri kum baiwi dakni ailal takbia kaka, bara pana pana aiklabia kaka, baha kuntrika ba sip karna kabia apia.

Jan 10:19

Ju nani ba naha bîla nani walan ba ra, kli aihka baiwi takan.

Jan 17:23

Yang mita witin nani ra bara man mita lika yang ra, bara baku mika witin nani ba kumi aihwa pali kabia, bara baha mita tasba uplika nani mita kaikbia man mita ai blikram ba, bara man mita witin nani ra latwan kaikisma, sim yang ra latwan ai kaikisma ba baku.

Jan 7:43

Baku bamna, Jisas tâwan upla nani ba baiwi takan.

Jan 9:16

Bamna parisi nani tila bila: —Naha daukan waitnika ba, Gâd wina apia sa, kan witin ris yua ba kulkras sa. Kuna wala nani bila: —Upla saura kaka, ¿nahki sip kabia naha sât wark aihka nani na daukaia? Baku bamna, witin nani ai tilara tar baiwan lâka takan.

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Roman 1:13

Bamna muihki nani, brin ai daukisa man nani kaiki kama, nahki aima ailal brin ai daukan bal mai kaikaia, sakuna naha piua kat sin ban sip apia sna. Man nani ra balan ai dauki ba lika upla tila nani Dawan ra laki brih balaia, sim nisan wala nani tilara briri ba baku.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 12:16

Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

Roman 15:30

Muihki nani, yang bui man nani ra mamkabisna wan Dawan Jisas Kraist ba tânka bara Spirit wina latwan lâka wanki ba dukiara sin, aiklabanka ra yang wal asla taki kama, bara yang maita sin Dawan ra puram sunma.

Roman 16:17

Bamna muihki nani, aman kaiki bas baha nani aihka dakwi takaia lâka bara mina prukaia lâka buki banhwi ba, kan baha uplika nani ba lika man nani dîa smalkanka lan takram ba mapara sa. Bamna witin nani wina aihka dakwi taks,

1 Korint 1:11

Muihki nani, naha na mai wisna, Cloe watla uplika nani mita man nani tilamra unsaban nani bâra sa ai win ba mita.

1 Korint 11:18

Tâ pali ra, yang sturkam walisni, man nani serts ra asla aidrubisma ba ra, tilamra tar baiwan lâka nani bâra sa; bara yang kasak lukisni naha na wiria kasak baku sa.

1 Korint 12:25

bara baku wan wîna tara ra dakwi takan lâka âpu kabia; sakuna wîna sirpika bani ba sirpika wala nani dukiara trabil taki luki kabia.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

1 Korint 4:16

Baku bamna, man nani ra mamkabisna, yang daukri ba baku dauki kama.

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 13:9

Baha mita, yang nani ani piua swapni takisna bara man nani karna sma ba ra, uya lilia banhwisna; man nani karna takma dukiara yang nani ban puri suni kamna.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Galesha 4:12

Muihki nani, mamkabisni yang baku taks, kan yang lika man nani baku takri. Man nani mita rausauhkram baku lika apia.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 3:16

Sakuna naha na lika: yawan luki iwi kaia sa dîa pat alkan ba kat.

1 Tesalonaika 5:13

Witin nani ra kasak kulki bas, bara kasak sin latwan kaiks, witin nani wark dauki nani ba dukiara. Pana pana walkam nani aikuki kupiam kumi lâka ba brih iwi bas.

2 Tesalonaika 2:1

Bara muihki nani, wan Dawan Jisas Kraist bal, witin wal asla wan daukbia tânka ba mapa ra man nani ra mamkabisni,

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

2 Timoti 4:1

Gâd mawanra bara Jisas Kraist mawanra sin, witinka king baku bal pruan nani bara raya nani lâka daukaia ba, yang bui man ra kasak lâ maikuna,

Jasua 22:15

Witin nani sut Galaad ra wan, bahara sika Ruben bara Gad bara Manasés kiamka bakriki ba bâra kata, bara witin nani ra win:

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.