1 King Nani 9:3 - DAWAN BÎLA AISKA

³ bara Dawan bui win: “Yang puram sunra bara makabankam daukram ba sut walri. Yang bui naha tempel daukram na yamnika yâri sa, bahara yang nini ba swiaia ban kaia ra. Bara naha watla ba, yang piu sut main kaiki kamna bara yang sin bâra kamni.

1 King Nani 9:3 ပူးပေါင်းရင်းမြစ်များ

1 King Nani 8:29

Man lika naha tempelka na kakna bara tihmia aihwaki kaiki kama, naha tempelka ra man wiram bâra kaia, man wali kama albikam naha tempelka ra bal, ai pura suni piua ra.

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

2 King Nani 21:7

Baku sin Aserá lilka paski Dawan tempelka ra mangkan, baha kainara Dawan mita Debit bara Salaman ai luhpia wal ra wisata ba: “Naha Jerusalem tempelka watla ba bâk saki briri sa, Israel kiamka nani tila ba wina, yang iwaia waitla ban kaia ra bâra kabia.

2 Kronikas 33:7

Baku sin aidul lilka nani Dawan tempelka ra mangkan, baha mita Dawan mita Debit ra bara ai luhpia Salaman ra wisata ba: “Naha Jerusalem tempelka watla bâk saki briri, Israel kiamka nani tila ba wina, yang iwaiki waitla ban kaia ra nini bâra kabia.

2 Kronikas 6:40

“Bamna nanara, man, yang Dawanki, mamkabisni pura sunra nani naha pliska wina aisabia ba walma.

Esdras 6:12

¡Bara Gâd Jerusalem ra ai nina bâra kaia wahbi bâk sakan ba bui ani kingka, apia kaka ani nisanka bal Dawan tempelka ba sauhkaia, apia kaka, warkka ba takaskaia trai munbia uplika nani ra, sauhki tikan kabia! Yang, Darío, baha adarka ba yâri sa. Bamna dîa ulbri ba kat daukan kabia.”

Lawana Nani 10:17

Dawan, praut âpu nani makabanka ba, man walisma. Man bui witin nani ba tâ baikisma, kiamam mangki walisma.

Lawana Nani 116:1

Dawan ra latwan kaikisni, kan witin diara wali bamna; makabisna ba sut witin walisa.

Lawana Nani 34:17

Watauki uplika nani inanka ba, Dawan walisa; trabil nani wina sin swaki sakisa.

Lawana Nani 65:3

Wan watawanka nani ba mita, taibi wan munisa; sakuna man wan saurka nani ba ban swih tikisma.

Lawana Nani 66:19

¡sakuna witin, yang ra ai walan, puri sunra ba sin walan!

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Impakan Sturka 29:44

Tint watla ba aihka saki sunu daukamna, altar nani ba sin, Eran bara luhpia nani ba sin aihka saki sunu daukamna. Baku yang prîski nani baku kabia.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 7:10

baha ningkara naha tempelka yang ra baman maiyunaia aikan na ra aula, yang maiwanra bal buaia. Bara man nani lukisma nahara man nani pain kabia bara diara takbia apia; man nani lukisma yang kau sip kupi alki briras sna dukia nani ba ban dauki kaia.

Daniel 9:23

Man mahka puram sunatma ba piua wina, Gâd bui man ra pat pana mai aisin sa. Yang balri na param mai wiaia, kan Gâd ba man ra uya pali latwan mai kaikisa. Baku bamna, nanara naha diara nani ra aman pali wali bas, baku mika man diara aihka kaikram ba tânka brima:

Kulki Kaikanka 16:38

Baha waitnika nani, kîa pain angkaia watlika nani bri kan ba, witin nani pruan saura daukan ba tâwan. Baha watlika nani ba sunu kulkan sa, kan witin nani lika yang kainira kîa pain daukaia warkka daukan; baha pânka nani ba pruki plit nani dauks altar pura prakaika, bara baha Israel luhpia nani mapa ra smalkanka tara kabia.”

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Jan 11:42

Yang kaikisna man piu bani bîli walisma, sakuna yang baku aisisna upla nani nahara banhwi na dukiara, witin nani kasak lukbia ba dukiara ai blikatma.

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Kli Smalkanka 11:12

Tasba kum sa Dawan mita main kaiki ba, mani aiska ai nakra baha tasbaya ra kaikisa.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:21

Sakuna Dawan Gâdkam bui ai nina bâra kaia dukiara plis kum aihka sakan ba, man nani iwisma ba wina laihura sa kaka, yang mai wîri ba baku bîpkam bara sîpkam nani Dawan wina maikan ba, sip sma man nani bahara iwma ba ra iki piaia.

Kli Smalkanka 12:5

Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

1 Jan 5:14

Bamna yawan lika Gâd ra wan kupia mangki lukisa, kan yawan kaikisa, witin ai kupia lâka kat dîa dîa makabuya ba wan walisa.