1 King Nani 3:9 - DAWAN BÎLA AISKA

⁹ Baku bamna, aik kupi ra sins lâka, bara baku lika sip kamna tâ briaia uplikam lâka wapni kat aisi dauki kaia, saura yamni ba tânka pain bri kaia. ¿Bamna uplikam nani ailal pali na ya sip kabia ki tâ briaia?”

1 King Nani 3:9 ပူးပေါင်းရင်းမြစ်များ

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

1 King Nani 10:24

Upla nani ba brin dauki kan Salaman ra kaikaia, bara sinska lâka Gâd mita yan ba sin walaia.

1 King Nani 3:10

Bamna naha diara Salaman makaban ba, Dawan bui pain kaikan,

1 King Nani 3:28

Bara Israel aiska king lâ daukan ba walan, bara king ra sibrin taki banhwata, kan kaiki banhwan Gâd wina sinska lâka brin lâ kasak ba aisi daukaia dukiara.

1 Kronikas 22:12

Dawan bui diara tânka briaia lâka bara sins lâka ailal maikbia, witin bui Israel kingka mai mangkbia yua ra, bara Dawan Gâdkam lâka nani sut ba kulki kama.

1 Kronikas 29:19

Baku sin luhpi Salaman ra kupia wapni kumi yas, baku mika man lâmka nani ba alki bri kabia, man witniskam bîla nani dîa lâ nani aisi mangkram ba sin, bara baha nani sut ba sin dauki kabia, bara tempel watla ba mâkbia, baha dukiara yang diara nani sut asla daukri ba.”

2 Kronikas 1:10

Baku bamna, nanara sins lâka aik bara diara tânka briaia ba sin, bara baku yang sip kamna naha uplika nani tâ briaia, ¿kan man uplikam ailal pali na ya mita wihtka aimaki kabia?”

Lawana Nani 119:144

Man lâmka bîla nani kasakkira sa ban kaia ra; ¡diara tânka alkaia aik, bara baha wal yang raya kamni!

Lawana Nani 119:34

Diara tânka briaia ba aik, bara man lâmka ba alki bri kamni, ¡bara kupi aiska ni daukamni!

Lawana Nani 119:73

Mihtam ni ai daukram bara sin ai paskram; sins lâka aik, bara man lâmka bîla nani lan takamni.

Sins Lâka 14:8

Sinska lâka ba, sinskira ra yaban ai daukanka tânka brisa, sakuna sinskas ba ai sinskas ba mita kunin munisa.

Sins Lâka 16:16

Sins lâka alki briaia ba, kanra yamni sa gul pain briaia ba wal. Diara tânka brih, lukaia lâka pliki briaia ba sin, silbar wal kanra yamni sa.

Sins Lâka 20:12

Wan kiama diara wali ba, wan nakra diara kaiki ba sin, wâlsut Dawan mita paskan.

Smasmalkra 7:11

Yamni bara hilp lâka kum sa, sins lâka briaia ba, naha tasba ra iwi uplika nani ra, baha purkara ai almukka nani prapatika kum wal auya sa kaka.

Smasmalkra 7:19

Sins lâka ba kau karnika yabisa, sinskira ra, wihta tara matawalsip tawan kum bilara ba wal.

Jirimaya 1:6

Yang pana wîri: “¡Ay, Dawan! ¡Yang sika wahma pali sna, sturi aisaia sin lan âpu sna!”

Jirimaya 45:5

¿Man baman diara painkira kum makabaia lukisma? Baku kaka makapara, kan pât nani ba upla sut purara yang blikaisna. Sakuna diara kumi baman mai daukamna: ani anira wama ba mai swirka pruma apia, raya kama. Yang, Dawan, kasak aisisna.’ ”

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Matiu 3:14

Jan witin ra tahbi daukan daukras kan, bara Jisas ra win: —Yang lika brinki sa man mita tahbi ai daukaia, ¿bara man lika yang ra aulma ki?

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

2 Korint 2:16

Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia?

2 Korint 3:5

Yang nani karniki ni diara daukaia sip sna ba mita lika apia sika; sakuna, Gâd ba mita sika yang nani diara sut daukaia sip sna ba.

Epesus 5:17

Man nani sins âpu baku kapara; sakuna Dawan kupia lâka ba dîa sapa tânka pain bris.

Pilipai 1:10

baku bamna diara yamni ba pliki sâkma diara sut ra. Rayakam sunu bri kama, bara Kraist balbia ba ra, man nani mampara kaia dukia kumi sin âpu kabia.

Hibru Nani 5:14

Sakuna plun karna ba lika upla aitani pâwan nani dukia sa, kan witinka nani ba ai dara walaia lan, bara pat kaikisa wiaia: naha na pain bara naha na saura sa.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.