1 King Nani 2:4 - DAWAN BÎLA AISKA

⁴ Baku mika Dawan ai win bîla ba kat daukbia, witin bui yang ra ai win ba: ‘Man luhpiam nani yabalki ba alki bribia kaka, ai kupia aiska bara ai sulka aiska ni, baku ba ra taiya nani tilara diara luha kabia apia, Israel man iwaikam ra iwi kabia.’

1 King Nani 2:4 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

2 Samuil 7:25

“Baku bamna, Dawan Gâd, pramiskam ba ban kaia alki bri bas, man albikam bara ai kiamka nani wal daukram ba bara man aisaram ba sin yarka aimakbia.

1 King Nani 1:48

baku sin king bui naku aisi, win: ‘Dawan ba yamni pali kabia, witinka Israel Gâdka ba, kan yang iwaiki ra iwaia uplika naiwa saki wankan ba, naikra pali ni kaikisna ba.’

1 King Nani 11:36

Bara ai luhpia ra kiamka kumi yabamna, baku mika albiki Debit ba maiwanra piua bani ingni kumi kabia Jerusalem ra. Baha tawanka yang bui bâk sakri ba, nini bahara swiaia ba mata.

1 King Nani 3:14

Bamna man kupi lâka daukma kaka, yang lâika bara lâika bîla nani kat daukma kaka papikam Debit tauki kan baku, yang yuam nani ba sin yari maikamna.”

1 King Nani 3:3

Baha sut purkara Salaman Dawan ra latwan kaiki kan, Debit ai papika mita lâ nani mangki yan ba kat wapi kan. Witin sakripais daukaia ai brinka kan, kîa pain sin angki kan il nani ra.

1 King Nani 6:12

“Naha watla na man bui paskisma bamna, yang lâika nani bâk impaki kupi lâka ba kat daukma kaka, bara sin lâika nani ba sut alki brih baha kat wapma kaka, yang dîa papikam Debit ra wîri ba man ra daukamna.

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

1 King Nani 8:25

Bara nanara, Dawan, Israel Gâdka, papiki Debit ra dîa daukaia wiram ba, dauks: ‘Man kiamkam nani tila wina luha takbia apia yang maiwanra, Israel kingka iwaika ra iwaia ba, luhpiam nani yabalki ba alki bribia kaka, bara man tauki katma baku laimara tauki kabia kaka.’

1 King Nani 9:5

yang bui king iwaikam Israel ra ban kaia ra daukamna, papikam Debit ra aisi wisatna ba baku: ‘Man kiamkam wina luha takbia apia Israel king iwaika ra.’

2 King Nani 20:3

“Dawanki, yang mamkabisna man bui yang dukira kupiam krauks, kan yang sika man mamwanra kasak ba kat daukri kupi aiska kira ba wal, bara diara nani daukri ba sin man kupiam brinka kat daukri.” Bara Ezequías ba karna inan.

2 King Nani 23:25

King wala witin wal baku âpu kan, kainara bara ningkara sin, ai kupia bara ai sulka aiska kira Dawan ra tawan ba, Moses lâka ra ulban ba kat.

2 King Nani 23:3

Bara king ba utla playa ba kat buan, bara Dawan ra pramis takan, bîla wali daukaia kasakka lâka kat. Ba purkara sin ai lâka bîla nani ba alki daukaia win, bara ai adarka nani ba sin sut bara lâ wal daukan ba aitani kat daukaia, baku sin dîa pali baha wauhkataya ra ulban ba tânka kat. Bara upla nani sut asla takan nani kan ba, aitani sa kulkan baha aisi daukanka ba.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 17:3

Dawan ba Josafat wal kata, kan witin ai damika Debit kau wahma kan daukan ba baku witin sin daukan bamna, Baal lilka sât sât daukan ba warkka daukras kan,

2 Kronikas 6:16

Baku ba mita, Dawan, Israel Gâdka, yang aisiki Debit man albikam ra dîa pramis munram ba dauks: ai kiamka wina kum man wiram ba baku, Israel kingka iwaika ra iwbia, ai luhpia nani ba ai tânka wapni bribia lâmka kat daukbia bara witin daukan ba baku.

2 Kronikas 7:18

yang kingkam iwaika lâka ba karna daukamni, aisikam Debit wal daukri baku, witin ra wîri kata ba waitna wala âpu kabia Israel ra king aimakaia.

Lawana Nani 119:9

¿Nahki wahma kum sip kabia, ai rayaka ba tâski âpu briaia? ¡Man bîlam dîa wi ba kat dauki ba mita!

Lawana Nani 37:22

Dawan mita yamni muni uplika nani ba, tasbaya na brih iwbia, sakuna baha nani witin mita saura win nani ba sauhki tikan kabia.

Lawana Nani 37:9

Saura dadaukra nani ba klaki dakban kabia; sakuna Dawan bîla kaiki uplika nani ba, witin nani sika tasba na brih iwbia.

Lawana Nani 39:1

Yang wîri rayaki yabalka na main kaiki kaia, bara yang twisi ni saura daukaia apia wîri, uni nani ra wilkaika kum ni wilkamni, upla watawikira nani ba, yang maiwanra bûi ban sa bamna.

Jirimaya 33:17

Yang Dawan sna ba, naku wisni: Piua bani Debit kiamka kum ban Israel kingka bâra kabia,

Libait Lâka 26:3

“Yang lâika ba man nani dauki kama, kulki banhma sin lâka nani sut ba alki daukma ba ra,

Sakaraya 14:2

Baha yua, Dawan mita nisan nani sut ba asla daukbia, Jerusalem mapara aiklabaia. Witin nani tawan tara ba pura lubia, watla wina diara sut saki bribia, mairin nani ra sin alki saura muni, tawanka bakriki uplika nani ba alba briaia brih wabia. Bakriki baman Jerusalem ra takaskbia.

Matiu 22:37

Jisas bila: —‘Dawan Gâdkam ra latwan kaikma kupiam aiska kira, sulkam aiska kira bara sinskam aiska kira ni sin.’

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Kli Smalkanka 10:12

“Nanara, Israel luhpia nani, ¿Dawan Gâdkam man nani wina dîa makabisa? Ai bîla wali ai yabalka nani sut nina blîkma baman, kupiam aiska kira, sulkam aiska kira latwan kaiki mayuns,

Kli Smalkanka 11:13

“Kupiam aiska kira, sulkam aiska kira Dawan Gâdkam ra latwan kaiki mayuni, bara ai lâka nani mamrikan ba ban dauki kama.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Kli Smalkanka 7:12

“Naha lâ man nani walma ningkara, trai kaiki dauki banhs bara Dawan Gâd bui man nani damikam nani wal ai lâka wal aisi daukan ba kasak daukbia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.