1 King Nani 11:3 - DAWAN BÎLA AISKA

³ Bara ai maya baman 700 bri kan king watla ra, bara tnaya ra ai mairka nani, wibia kaka ai lilika mairin nani ba 300 bri kan; bara naha mairka nani tâka sika witin ai kupia ba Gâd wina tnaya ra lakan kan ba.

1 King Nani 11:3 ပူးပေါင်းရင်းမြစ်များ

2 Kronikas 11:21

Roboam ai maya nani 18 bri kan bara ai lila mairin nani lika 60, sakuna baha sut tila wina, witin Maacá kau latwan kaiki kan. Ai luhpia waitna 25 bri kan bara ai luhpia mairin nani lika 60.

Ester 1:18

Bara wark lalka maya mairin nani, Persia bara Media wal ra iwi nani ba, naha kwin mairin daukan ba walbia ba ra, naiwa pali ai maya waitna nani ra aisabia, bara mairin nani ba waitna nani ra uya kulkbia apia, baha wina unsaban lâka balbia.

Smasmalkra 2:8

Gul bara silbar, yang ailal kuki briri, baha ba kainara king wala nani dukia kan, bara tasba tara wala nani sin. Aiwawanra waitna, mairin sin briri, upla kira lilia takaia lâka briri, bara lili mairin nani ailal, ailal sin briri.

Smasmalkra 7:28

Yang, Smasmalkra sna ba, naha ni pliki sakri sa, kan yang plikisna pali ba dukia wal prawras. Tausin tila wina waitna kumi sakri sa, sakuna baha sut tila wina mairin kumi sin sakras.

Yamni Kulki Lawana 6:8

Kwin mairin nani 60 sa, king lilika nani 80 sa, tiara nani ba lika sip kulki sakras.

Yamni Kulki Lawana 6:9

Sakuna kumi baman sa, yang butkuki mairin lupia ba kumi baman sa, luhpia mairin kau wantkira sna, yaptika unhsakka tâura baikan ba. Mairin tiara nani, witin ba kaikuya ba ra, yamni pali wisa, kwin mairin nani bara king lilika nani ba sin witinka ra mayunisa.

Kli Smalkanka 17:17

Mairin ailal sin bripara, ai kupia diara wala ra tawbia sîa; lalah, gul sin ban ailal bripara.

Wihta Nani 3:6

bara Israel luhpia waitna bara mairin nani ba, baha uplika nani luhpia nani ai maya brin, bara baha nani gâdka nani ra mayunan.

Wihta Nani 9:5

Baha waitnika nani ba witin wal Ofrá ra wan, ai aisika Jerubaal bahara iwan kan, bahara walpa tara kum bâra kan, baha walpaya purara baman Abimélec muihnika nani 70 waitna kan ba sut pali ikan. Sakuna Jerubaal luhpia waitna sirpika kumi nina Jotam, baha baman yukuwi swak takan.