1 King Nani 10:3 - DAWAN BÎLA AISKA

³ Bara ai makabanka nani sut tânka nani ba Salaman bui saki win, diara âpu kan king bui tânka sip wiras kaia ba.

1 King Nani 10:3 ပူးပေါင်းရင်းမြစ်များ

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

2 Samuil 14:20

Sakuna witin naha daukan ba, diara nani taki ba tânka ba wiria natka wala ra lakaia dukiara. Ban sakuna, king tara ba sinskira pali sa, Dawan insalka kum baku sa, naha kuntrika diara nani taki ba tânka ba sut brisa.

1 King Nani 10:1

Sabá kwinka ba walan nahki Salaman nina ba ban tara pali kulkan ba Dawan mawanra mayunra tara pali sa, bara kwin ba Jerusalem ra balan, makabanka karna nani brih balan, Salaman ra makabi wali traika kaikaia dukiara.

1 King Nani 10:2

Kwin ba balan upla kutbi kir nani aikuki, ai prana daukanka tara aikuki, diara sâtka ailal sin kiamil ra suni brih balan, isint kîa pain nani bara gul klauhi ba, pranakira sin ailal brih balan. Witin Salaman ra balan ba ra, dîa dîa makabi walaia bri kata ba sut makabi walan, ai kupia ra bri kan ba sut sin win.

1 King Nani 10:4

Bara Sabá kwinka bui Salaman sinska tânka aiska ba kaikan, utla mâkan ba sin,

1 King Nani 3:12

Bara kaiks, yang lika man bîlam nani kat daukamna. Bamna kaiks, yang kupia sinskira lâka ba maikuna, diara sut tânka pain bri kaia, bara man baku wala kainamra âpu kan, bara ningkamra sin âpu kabia.

2 Kronikas 9:2

Bara ai makabanka nani sut tânka ba, Salaman bui tânka klir munan. Diara âpu kan king bui tânka sip wiras kaia ba.

Sins Lâka 13:20

Sinskira nani wal tauki bas, bara sinskira kama; taniskira nani wal tauki bas, bara mai sauhki mai tikbia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Matiu 13:11

Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.