1 Jan 5:8 - DAWAN BÎLA AISKA

⁸ Spirit, lî bara tala ba sin; bamna yumhpa sut ba aikuki lukanka kumi brisa.

1 Jan 5:8 ပူးပေါင်းရင်းမြစ်များ

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Mark 14:56

Bara upla manis witin mapara kunin aisi kan, sakuna pana pana sip aisi tâ mangkras kan.

Jan 15:26

“Sakuna witinka hilp mai munaia bara maisam nihkaia wisi balbia ba, kasak tânka Spiritka yang mita Aisa wina blikamna ba, witin lika yang dukira witnis aisabia.

Jan 19:34

Sakuna suldiar nani ba wina kum mita langsa ni tnaya mina ra sabi klauhban, bamna tala lî wal takan.

Apastil Nani Sturka 15:15

Baha diara nani na lika prapit nani bîla aisinka ba kat aimakisa, Ulbanka nani ra naku aisi ba baku:

Roman 8:16

Bara baha Spiritka ba sika yawan wan spiritka wal asla taki aisisa yawan na Gâd luhpia nani sa.

2 Korint 1:22

Bara witin ai sîlka ba ni mark wan mangkan sa, bara Spirit Holikira ba wan kupia ra mangkan, naika yawan diara briaia ba tukinka baku.

Hibru Nani 13:12

Baku sin, Jisas ba tawan getka lata tani ra prura pâtka ba wahwan, witin ai tâlia ni upla nani holikira nani daukaia dukiara.

Hibru Nani 6:4

Kan baha nani pat kauhi ba, ¿nahki sip kabia kli bri balaia ai kupia kli laki nani ba? Pat aima kumi witin nani ba Gâd ingnika ra tauki nani kan. Witin nani ba kasbrika pura wina prisantka ba pat bri trai kaikan, bara Spirit Holikira wina sin ai dukia brin.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.

1 Jan 5:9

Yawan upla witniska ba aitani kulkisa; sakuna Gâd witnis aisi ba lika kau tara sa upla witnis aisi ba wal, kan Gâd witnis aisin witin ai Luhpia dukiara.