1 Jan 5:16 - DAWAN BÎLA AISKA

¹⁶ Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia.

1 Jan 5:16 ပူးပေါင်းရင်းမြစ်များ

Blasi Sturka 20:17

Bara baku Ebraham lika Gâd ra ai pura sunan, bara Abimélec wihki maya wâlsut ra sikniska wina rakan; baku sin albika mairin nani sut biara prakan kan ba wina Gâd mita rakan, bara witin nani luhpa baikaia sip kan;

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Lawana Nani 106:23

Gâd aisin sauhki tikaia; sakuna Moses, witin bâk saki brin uplika ba tilak dimi witin nani tâwan aisin; bara Gâd ai kupia sauhkanka ba lamni daukan, baku bamna yaban sauhki tikras kan.

Impakan Sturka 34:9

—¡Dawan! ¡Dawan! Rait pali man bui yang ra yamni ai kaikisma kaka, yang nani wal was. Kasak pali naha uplika nani na kiamapara sa, sakuna yang nani saurki watawiki lâka nani ba ban swih tiks, bara uplikam nani pali baku ban wan bris.

Jirimaya 11:14

Bahamna Jirimaya, man, naha uplika nani tâwan puram sunpara; witin nani hilpka ra makabi yang ra puram sunpara, kan witin nani pât tara ra dimbia bara hilp briaia yang ra ai pura sunbia sakuna walamna apia.

Jirimaya 14:11

Dawan bui ai win: “Naha uplika nani ra yamnika yaia wisa yang ra puram sunpara.

Jirimaya 7:16

“Jirimaya, man naha uplika nani tâwan aisi puram sunpara, tâwan kau ban aisi kapara. Ai taibi ai aisapara, kan yang mai walamna apia bamna.

Isikiel 22:30

Yang baha uplika nani tilara plikri, upla kum bâra kabia sapa tawan dukiara luki ba, bara yang ra tawan ba aisabia diara sauhki tikamna apia dukiara; ban kuna yang sakras.

Kulki Kaikanka 12:13

Bara Moses bui Dawan ra wini, naku win: “Gâdki, mamkabisna, nanara pali man bui witin ba rakma.”

Kulki Kaikanka 15:30

“Ban sakuna, upla kum pain ai dara wali saura daukan sa kaka, Israel luhpia nani sapa, kiamka sât wala nani sapa, baha yang kupi sauhkisa. Bamna baha uplika ba upliki nani tila wina sakan kabia,

Luk 12:10

“Ani uplika mita Upla Luhpia Waitna mapara aisabia kaka, witin saurka ba ban swih tikan kabia; sakuna ya Spirit Holikira ba mapara bîla saura nani aisabia kaka, sip baha saurka ba swih tikan kabia apia.

Jan 17:9

“Witin nani dukiara man ra puri sunisni; naha tasba wina uplika nani ba dukiara lika puri sunras, sakuna man mita aikram nani ba dukiara lika, baha nani ba man dukiam sa bamna.

2 Timoti 4:14

Alejandro bras warkka dadaukra ba, uya diara saura nani ai munan; Dawan mita witin ra dîa daukan ba kat ai mana yabia.

1 Jan 5:17

Watawanka lâka bani ba saurka sa; sakuna saurka bâra sa sip wan ikras ba.

1 Samuil 12:19

Baku takan ba ra, upla nani sut Samuil ra win: —Dawan Gâdkam ra yang nani albikam nani tâiwan puram suns, bara yang nani pruamna apia; kan saurki nani daukri ba purara kau saurka tara wala pura praki ba sika, yang nani king kum briaia makabri ba.

1 Samuil 2:25

Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.