1 Jan 4:7 - DAWAN BÎLA AISKA

⁷ Muihki laitwankira nani, yawan lika pana pana wan walka ra latwan kaikaia sa, kan latwan lâka ba Gâd wina sa. Latwan lâka bri uplika bani ba lika Gâd luhpia bara Gâd ra kakaira sa.

1 Jan 4:7 ပူးပေါင်းရင်းမြစ်များ

Jan 13:34

Naha lâ raya na, man nani ra maikisni: Pana pana walkam ra latwan kaiki kama. Yang bui man nani ra latwan mai kaikisna ba baku, pana pana walkam ra latwan kaiks.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

2 Timoti 1:7

Kan Gâd mita si briaia spiritka lika wankras sa; sakuna, ai Spiritka ba mita karnika tara wankisa, latwan lâka bara wan sinska yamni bri kaia ba sin.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Jan 2:10

Ya ai muihni ra latwan kaiki ba, witin lika ingni ra iwisa, bara diara âpu sa witin ra munka saura daukaia.

1 Jan 2:29

Man nani pat kaikisma Jisas Kraist lika kasakkira sa; baku bamna, kaiki kaia sma ani uplika nani kasakka lâka dauki ba sika, Gâd luhpia nani sa.

1 Jan 2:3

Gâd lâka ba bîla wali daukisa kaka, baha ba lika wan marikan sa yawan bui witin ra kakaira ba tânka.

1 Jan 2:4

Sakuna upla kum wibia: “Yang lika witin ba kakaira sna”, kuna ai lâka bîla wali daukras sa kaka, baha uplika ba kuninkira bara diara kasak ba tânka witin ra âpu sa.

1 Jan 2:7

Muihki nani, lâ raya wala kum yang bui man nani ra ulbras sna; baha sim lâka man nani mita tâ piua wina bri katma ba sika. Naha sim lâ bîla almuk smalkanka ba pat walram.

1 Jan 3:9

Ani uplika Gâd luhpia kaka, witin sip ban saura daukras, kan raya kaia lâka ba Gâd wina yan brisa. Bamna witin ban sip saurka lâka dauki taukras, witin ba Gâd luhpia sa bamna.

1 Jan 4:11

Muihki laitwankira nani, Gâd mita baku latwan wan kaikan kaka, yawan sin pana pana wan walka ra latwan kaikaia sa.

1 Jan 4:12

Upla kumi sin kau Gâd ba kaikras sa; sakuna wan walka ra pana pana latwan kaiki kabia kaka, Gâd yawan ra iwi kabia, bara ai latwanka lâka sin aitani kat daukan kabia.

1 Jan 4:16

Bamna baku yawan sip kan kaikaia bara kasak lukaia, Gâd mita latwan wan kaikisa. Gâd ba latwan lâka sa; bara ya latwan lâka ra iwi ba lika Gâd ra iwisa, bara pana Gâd lika witin ra iwisa.

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.

1 Jan 4:8

Bamna ya latwan lâka âpu sa, Gâd kakaira apia sa, kan Gâd ba latwan lâka sa.

1 Jan 5:1

Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa.

2 Jan 1:5

Bara nanara, laikra, mamkabisna yawan pana pana wan walka ra latwan kaikaia. Naha man ra ulbisna na, lâ raya lika apia sa, kuna baha sim lâka yawan tâ pali ra bri kata ba sika.