1 Jan 4:19 - DAWAN BÎLA AISKA

¹⁹ Yawan bui Gâd ra latwan kaikisa, witin mita pas latwan wan kaikan bamna.

1 Jan 4:19 ပူးပေါင်းရင်းမြစ်များ

Luk 7:47

Baha mita yang mai wisna, witin ai latwanka tara ba mita marikisa ai saurka nani sut ba swih tikan sa; bamna ani uplika saurka wiria baman swih tikan ba, pana wiria baman latwan kaikisa.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

1 Jan 4:10

Nahara sika latwan lâka tânka bri ba: yawan mita pas Gâd ra latwan kaikras, sakuna witin mita pas latwan wan kaiki ai Luhpia ba blikan, bara ai Luhpia bâk wan saurka nani sut ban swih tikan sa.

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.