1 Jan 3:9 - DAWAN BÎLA AISKA

⁹ Ani uplika Gâd luhpia kaka, witin sip ban saura daukras, kan raya kaia lâka ba Gâd wina yan brisa. Bamna witin ban sip saurka lâka dauki taukras, witin ba Gâd luhpia sa bamna.

1 Jan 3:9 ပူးပေါင်းရင်းမြစ်များ

Job 19:28

man nani aisi kapram ba walri ba ra: “¿Yawan nahki nina bliki rausauhkbia? Saurka wakia ba witin pali ra sa.”

Lawana Nani 119:3

baha nani saura daukras ba; witin nani Dawan yabalka ra wapisa.

Libait Lâka 11:37

“Daiwan pruan wîna ba saumuk insla ra mangkaia kan ba purara kauhan sa kaka, baha saumukka ba ban aitani klin kulkan sa;

Matiu 7:18

Dus yamni ba sip mâ saura sakras, dus saura ba sin sip mâ pain sakras.

Jan 1:13

Witin nani Gâd luhpia sa, diara nani paskanka ba wina lika apia, baku sin upla brinka bâk sin apia, sakuna Gâd mita ai karnika wal mangkan bamna.

Jan 3:3

Jisas pana win: —Kasak pali mai wisna, ya kli aisubi takras sa kaka, witin sip Gâd king aimaki ba lâka kaikbia apia.

Apastil Nani Sturka 4:20

Bamna yang nani sip apia, diara nani kaikri ba bara walri ba sin aisaras kaia.

Roman 6:2

¡Sip apia pali! Yawan lika pat saurka lâka mapara pruan; bamna, ¿nahki yawan saurka lâka wal ban raya iwi kaia sa ki?

Galesha 5:17

Kan wan wîna tara brinka saura nani ba Gâd Spiritka mapara aiklabisa, bara Spirit ba mita wan wîna tara brinka saura nani ba mapara aiklabisa. Bamna baha nani ba pana pana ai mapara sa, bara baha mita man nani dîa brin mai dauki ba kat sip daukras.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

1 Pita 1:23

Bamna man nani kli aisubi takram sa, aisikam upla ba wina lika apia, kuna Gâd bîla raya iwi ban kaia ra bâra ba wina mika.

1 Jan 2:29

Man nani pat kaikisma Jisas Kraist lika kasakkira sa; baku bamna, kaiki kaia sma ani uplika nani kasakka lâka dauki ba sika, Gâd luhpia nani sa.

1 Jan 3:6

Baku bamna, ani uplika Kraist wal asla ban ba, witin saura daukras sa; sakuna ani uplika saura baman dauki tauki ba, witin lika Kraist ra kau kaikras bara kakaira sin apia sa.

1 Jan 4:7

Muihki laitwankira nani, yawan lika pana pana wan walka ra latwan kaikaia sa, kan latwan lâka ba Gâd wina sa. Latwan lâka bri uplika bani ba lika Gâd luhpia bara Gâd ra kakaira sa.

1 Jan 5:1

Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa.

1 Jan 5:18

Yawan kaikisa ani uplika Gâd ba ai Aisika kulki ba, witin saurka tilara wataukras; kan Gâd Luhpia ba mita main kaiki brisa, bara Sitan mita sip lamara waras sa.

1 Jan 5:4

Kan Gâd luhpia nani bani ba, naha tasba na pura luisa. Bara naha kasak lukanka ba mita hilp wan munisa naha tasba pura luaia.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.