1 Jan 3:7 - DAWAN BÎLA AISKA

⁷ Luhpi lupia nani, upla kumi mita sin yarka kunin mai munbiara; ya diara pain dauki ba, witin lika upla kasakkira sa, Kraist witin kasakkira ba baku.

1 Jan 3:7 ပူးပေါင်းရင်းမြစ်များ

Lawana Nani 106:3

Lilia pali sa baha nani kasakka lâka dauki ba, bara piua sut diara kasak baman dauki ba.

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Matiu 5:20

Kan yang bui man nani ra mai wisna: kasakkam lâka ba Lâ Smasmalkra nani bara parisi nani daukanka ba wal kau purara apia kaka, Gâd Kingka Lâka ra ban kaia ra dimma apia.

Luk 1:75

wan rayaka piua nani sut ra, bara witin mawanra holikira, kasakkira tauki kabia.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Roman 2:13

Kan lâ bîla wali baman uplika nani ba Gâd mita pain kulkras sa, sakuna lâ bîla wali dadaukra nani ba lika.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Hibru Nani 1:8

Sakuna Luhpia ba dukiara lika naku wisa: “Gâd, man king iwaikam ba lika ban kaia ra ban kabia. Man lika kingkam lâka purara, wapni lâka kat king aimakisma.

Hibru Nani 7:2

Ebraham mita war aiklabi diara nani dakbi brin ba matawalsip bani wina kumi ba, witin ra yan. Melkisedek nina tânka pas ba lika “king kasakkira”; bara witin Salem kingka kan ba mita, ai nina tânka ba sin “kupia kumi lâka kingka”. Salem tânka ba “kupia kumi lâka” sa.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

Jems 2:19

Man kasak lukisma Gâd kumi baman bâra sa, bara baha ba aitani daukisma; sakuna lasa nani ba sin kasak lukisa, bara sibri tatatwisa.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

1 Jan 2:26

Yang naha na man nani ra ulbri, baha nani kunin mai muni nani ba dukiara.

1 Jan 2:29

Man nani pat kaikisma Jisas Kraist lika kasakkira sa; baku bamna, kaiki kaia sma ani uplika nani kasakka lâka dauki ba sika, Gâd luhpia nani sa.

1 Jan 3:18

Luhpi lupia nani, wan latwanka lâka ba lika wan bîla ni aisi ba baman kaia apia sa, sakuna latwan lâka kasak pali ba sika, upla ra diara kum dauki mariki ba.

1 Jan 3:3

Bara upla bani naha bîla kaikanka Kraist ra bri ba, witin ai wîna ba holikira sakisa, sim Kraist holikira ba baku.

1 Jan 4:17

Baku yawan sip sa latwan lâka ba aiska pali briaia, bara baha mita tnata yua ra wan âuyapah kabia; kan yawan lika naha tasba ra sa sim Jisas Kraist kata baku.