1 Jan 3:2 - DAWAN BÎLA AISKA

² Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

1 Jan 3:2 ပူးပေါင်းရင်းမြစ်များ

Job 19:26

Taiya na pîs pîs ra kauhbia kra, yang pali silp Gâd ra kaikamni,

Lawana Nani 16:11

Raya kaia yabalka man mairikma. Man lamamra lilia tara bâra sa; man mihtam aihkika ra lilia pain nani ban kaia ra bâra sa.

Lawana Nani 17:15

Sakuna yang, kasak pali kupi kumi takaskamni, man mamwan kat mai kaikaia mamwanra, rawi buamna bara ai kaikaia.

Lawana Nani 31:19

¡Nahki tara sa, kupiam yamnika lâka ba baha nani man ra luki tniwi nani ba! Main kaiki apahki brisma diara manakira baku, upla nani sut mawanra man bui witin nani ba, pramna kulkanka baku diara yui yabisma.

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Malaquía 3:2

Sakuna, ¿baha yua ba ya bui takaskbia? ¿Ya ban bûi kabia? Witin pauta klauhi baku balbia, angki klin wan sakaia, sup baku wan tâskika nani ba sikbi sakaia dukiara aula.

Matiu 5:8

“Lilia pali sa baha nani ai kupia tâski âpu bri nani ba, kan witin nani Gâd kaikbia bamna.

Luk 17:30

Baku kabia Upla Luhpia Waitna balbia piua ra.

Luk 20:36

kli prubia apia bamna. Witin nani lika insal nani wal baku kabia, bara witin nani Gâd luhpia nani kabia pruan wina kli buan ba mita.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Roman 8:16

Bara baha Spiritka ba sika yawan wan spiritka wal asla taki aisisa yawan na Gâd luhpia nani sa.

Roman 8:18

Bamna yang lukisna, pât nani nanara wahwi na, sip apia pali sa baha prana yawan naika kaikaia ba wal prakaia.

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

1 Korint 13:12

Baha sim natka ra, nanara yawan diara nani kaiki ba lukinglas ra baku sa, lilka tihmu baku; sakuna baha piua ra lika, yawan latan pali kaikbia. Nanara lika yang wiria baman kaikisna, sakuna baha piua ra lika aiska pali kakaira kamna, Gâd mita yang ra kakaira ba baku.

1 Korint 15:49

Yawan nanara baha uplika tasba ni paskan kata wal wan talia ba baku, naika piua sin witinka kasbrika purara ba wina wal sin wan talia kabia.

1 Korint 2:9

Sakuna, Ulbanka ra wi ba baku: “Witin ra latwan kaiki nani dukiara, Gâd diara nani ridi daukan sa; baha dukia nani ba kau upla kumi sin kulkras sa, walras, bara luki pali sin kaikras.”

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 4:17

Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 4:6

Bamna, yawan nani na ai luhpia nani sapa tânka wan marikaia, Gâd ai Luhpia Spiritka ba wan kupia kat blikan; bara baha Spiritka Holikira wan kupia nani ra winisa: “¡Yang Aisiki!”

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.

Kolosi 3:4

Man nani rayakam pali ba sika Kraist, bara ani piua ra witin param takbia ba ra, man nani sin Kraist wal prana tara tilara latan takma, bara witin wal prana tara ba bri kama.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

2 Pita 1:4

Naha dukia nani tila bâk pramis nani sin wan munan, bara baha nani ba uya tara bara manakira pali sa; bamna baha sim pramiska nani bâk, sip kama Gâd tânka ba man nani briaia, bara brinka saura nani naha tasba ra tâski lâka bri balan ba wina swakwaia.

1 Jan 2:28

Bamna nanara, luhpi lupia nani, Kraist wal asla ban bas, bara baku mika witin param takbia ba ra wan âuyapah kabia, bara witin balbia ba ra ai mawanra yawan bubia, bara wan swira daukan kabia apia.

1 Jan 2:7

Muihki nani, lâ raya wala kum yang bui man nani ra ulbras sna; baha sim lâka man nani mita tâ piua wina bri katma ba sika. Naha sim lâ bîla almuk smalkanka ba pat walram.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 3:21

Baku bamna, muihki laitwankira nani, wan kupia mita pâtkira wan sakras sa kaka, yawan lika Gâd mawanra wan âuyapah pali sa;

1 Jan 5:1

Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa.

Param Marikanka 2:28

Bara titan slilmika ba witin nani ra yabamna.

Param Marikanka 22:4

Witin nani pana pana ai mawan kaikbia, bara witin nina ba ai lal purara ulban kabia.