1 Jan 2:7 - DAWAN BÎLA AISKA

⁷ Muihki nani, lâ raya wala kum yang bui man nani ra ulbras sna; baha sim lâka man nani mita tâ piua wina bri katma ba sika. Naha sim lâ bîla almuk smalkanka ba pat walram.

1 Jan 2:7 ပူးပေါင်းရင်းမြစ်များ

Libait Lâka 19:18

“Uplikam mapara pana munaia kupiam saura lâka daukpara. Uplikam ba latwan kaiks man wînam baku. Yang sika Dawan.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Matiu 5:43

“Man nani sin pat walram kainamra aisin ba: ‘Uplikam ra latwan kaiks bara waihlam ra lika misbara kaiks.’

Jan 13:34

Naha lâ raya na, man nani ra maikisni: Pana pana walkam ra latwan kaiki kama. Yang bui man nani ra latwan mai kaikisna ba baku, pana pana walkam ra latwan kaiks.

Apastil Nani Sturka 17:19

Bamna Pal ba Areópago ilka ra brih wan. piua bani baha pliska ra sika witin nani asla taki kan, dîa dîa kra aisaia bri kan kaka. Bara baha uplika nani mita makabi walan: —¿Sip sna ki yang nani kaikaia baha smalkanka raya man bri balram ba?

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Hibru Nani 6:9

Sakuna muihki laitwankira nani, yang nani baku aisi kamna sakuna, man nani dukiamra lika diara pain pali lukisna. Yang nani kaikisna, man nani ba kau yamni pain nani swaki sakan lâka wal aula ba brisma.

1 Jan 2:24

Baha mita, tâ pali piua wina dîa mai smalkan ba kupiam ra bri bas; bamna dîa tâ pali piua wina mai smalkan ba kupiam ra bri kama kaka, man nani sin Luhpia bara Aisa ba wal asla pali kama.

1 Jan 3:11

Naha sika baha smalkanka tâ pali piua wina man nani walram ba: yawan pana pana wan walka ra latwan kaikaia sa.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

1 Jan 3:21

Baku bamna, muihki laitwankira nani, wan kupia mita pâtkira wan sakras sa kaka, yawan lika Gâd mawanra wan âuyapah pali sa;

1 Jan 3:23

Bara witin ai lâka ba sika, ai Luhpia Jisas Kraist ra yawan kasak lukaia, bara pana pana wan walka ra latwan kaikaia, witin mita yawan ra wan win ba baku.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.

1 Jan 4:11

Muihki laitwankira nani, Gâd mita baku latwan wan kaikan kaka, yawan sin pana pana wan walka ra latwan kaikaia sa.

1 Jan 4:21

Kraist mita naha lâka na wankan: Gâd ra latwan kaiki uplika ba, ai muihni ra sin latwan kaikaia sa.

1 Jan 4:7

Muihki laitwankira nani, yawan lika pana pana wan walka ra latwan kaikaia sa, kan latwan lâka ba Gâd wina sa. Latwan lâka bri uplika bani ba lika Gâd luhpia bara Gâd ra kakaira sa.