1 Jan 2:15 - DAWAN BÎLA AISKA

¹⁵ Tasba na bara diara nani bilara ba, latwan kaikpara. Ani uplika tasba ra latwan kaiki ba, Gâd Aisa ra sip latwan kaikbia apia;

1 Jan 2:15 ပူးပေါင်းရင်းမြစ်များ

Matiu 4:8

Kli dibil mita il kum purara pali suni, naha tasbaya kuntrika nani sut marikan, ai prana nani sin.

Matiu 6:24

“Upla kumi sin dawan wâl dukia sip daukras, kan kumi ra misbara kaikbia, bara wala ra latwan kaikbia; kumi ra kasak kulkbia, wala ra bahki kulkbia. Man nani sip apia sma Gâd bara lalah wal dukia daukaia.

Luk 16:13

“Alba kumi sip apia sa dawan wâl dukia daukaia; kan kumi ra misbara kaikbia bara wala ra lika latwan kaikbia; apia kaka, kumi ba mapara kasak kabia, bara wala ba ra lika saura kaikbia. Sip apia sa Gâd bara lalah wâlsut warkka daukaia.”

Jan 15:19

Man nani ba naha tasba wina katma kaka, naha tasba wina uplika nani mita ai tahkia nani ra baku latwan mai kaikaia kan. Sakuna yang bui man nani ba naha tasba uplika nani tila ba wina bâk mai saki mai briri, bara baha mita sika naha tasba uplika nani mita misbara mai kaiki ba, kan nanara man nani lika naha tasba wina uplika apia sma.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Galesha 1:10

Yang plikras upla mita yamni ai kaikbia, sakuna Gâd mita yamni ai kaikbia. ¡Yang na upla nani mita pain ai kaikbia plikisna kaka, yang kau Kraist albika kamna apia!

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?

1 Jan 4:5

Witin nani ba lika naha tasba wina sa, bara baha mita naha tasba dukia nani baman aisisa, bara tasba uplika nani mita lika witin nani bîla walisa.

1 Jan 5:10

Ya Gâd Luhpia ra kasak luki ba, witin naha witniska bîla na ai kupia ra ban brisa; ya Gâd ra kasak lukras ba mita, Gâd ba kuninkira sakisa, kan Gâd mita ai Luhpia dukiara witnis aisin ba, witin kasak lukras pali sa.