1 Jan 2:1 - DAWAN BÎLA AISKA

¹ Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

1 Jan 2:1 ပူးပေါင်းရင်းမြစ်များ

Lawana Nani 4:4

¡Sibrinkira tatatwi bas, bara kau saura daukpara! Man krikrikam ra aitniki bara sâp prawi, ningkara kupiam wal aisi, tânkam pliks;

Isikiel 3:21

Sakuna man, ban waitnika ba ra kupia kraukma kaka, saura daukaia apia dukiara, bara witin saura daukras kabia kaka, witin ban raya kabia smalkram tâka, bara man sin sulkam pri sakram kabia.”

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Luk 10:22

“Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Jan 13:33

Luhpi lupia nani, kau piua wihka lika man nani wal kamna apia. Man nani ai plikma, sakuna Ju nani ra wîri ba baku, nanara man nani ra sin mai wisni: Yang auna pliska ra man nani sip wama apia.

Jan 14:16

Yang Aisa ra makabamna, witin bui man nani hilpkam bara maisam nihkaia dukiara wala kumi maikbia, baha sika kasak tânka Spiritka ba, witin ba man nani wal kabia ban kaia ra.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 21:5

Bamna Jisas bila: —Tuktan nani, ¿inska alkram ki? Pana disaipil nani bila: —Diara alkras.

Jan 5:14

Ningkara Jisas baha waitnika wal prawan tempel ra, bara win: —Kaiks, nanara man sikniskam ba wina rawram sa, kuna kli saura yapara, diara kau saura mai takbiara sîa.

Jan 5:36

Sakuna yang witniski kum brisna, Jan ba wal kau tara sa. Diara nani daukisna ba, baha daukamna wisi Aisa mita mihti ra mangkan bamna, param mamrikisa yang na, Aisa mita ai blikan sa.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 8:11

Mairin ba bila: —Apia, Dawan, upla kumi sin pât ra ai dingkras. Pana Jisas win: —Bamna yang sin pât ra mai dingkras sni; nanara mahka was, kuna kli saura yapara.]

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Roman 6:15

¿Baku ba mita, dîa? ¿Yawan lâ mununhtara apia sa, sakuna Gâd kupia yamnika mununhtara ba mita saura yaia sa ki? ¡Sip apia pali!

Roman 8:34

¿Ya sip kabia ki baha nani pât ra mangkaia? Kraist Jisas sika pruan ba, bara baha sut purkara, Kraist sika pruan nani tila wina buan bara Gâd mihta aihkika tani ra sa, bara wan tâwan makabisa.

1 Korint 15:34

Rayaka wapni bara kasak ba ra kli taws, bara kli sin saura daukpara, kan man nani tilam wina upla tila Gâd ra kakaira apia sa. Naha na aisisni, swiram daukaia dukiara.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 4:19

Luhpi lupia nani, kli aima wala man nani dukiamra latwan saura pali wahwisna, sim yapti kumi tukta mahka baikaia kan latwanka bri ba baku; latwan ba wahwi kamna, Kraist tânka ba aiska man nani brima ba kat.

Epesus 2:18

Bamna Kraist ba mita, yawan Ju nani, Ju apia nani sut, Aisa lamara aula, Spirit kumi bri ba mita.

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

1 Timoti 2:5

Gâd kumi baman bâra sa, bara Gâd, witin lika upla nani wal asla kumi dauki ba sin kumi baman sa; baha sika Jisas Kraist, bara witin ba sin upla sa.

1 Timoti 3:14

Yang aihni pali wih mai kaikaia lukisni; sakuna naha na man ra ulbisna,

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

Jems 3:9

Naha sim twisa ni, wan Aisika Dawan ra mayunisa, bara upla nani Gâd ai lilka kat paskan nani ba ra lahtubisa.

1 Pita 2:22

Kraist ba saurka kumi sin daukras; upla kumi ra sin kunin munras kan.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Jan 3:18

Luhpi lupia nani, wan latwanka lâka ba lika wan bîla ni aisi ba baman kaia apia sa, sakuna latwan lâka kasak pali ba sika, upla ra diara kum dauki mariki ba.

1 Jan 3:5

Man nani pain kaikisma, Jisas Kraist naha tasba ra balan wan saurka nani ba pri sakaia, bara witin ra lika saurka âpu pali sa.

1 Jan 3:7

Luhpi lupia nani, upla kumi mita sin yarka kunin mai munbiara; ya diara pain dauki ba, witin lika upla kasakkira sa, Kraist witin kasakkira ba baku.

1 Jan 4:4

Luhpi lupia nani, man nani ba Gâd dukia nani sma, bara smasmalkra kuninkira nani ba pura luram sa; kan baha Spiritka Holikira man nani wal ba lika kau tara sa, tasba uplika nani baha spiritka bri ba wal.

1 Jan 5:17

Watawanka lâka bani ba saurka sa; sakuna saurka bâra sa sip wan ikras ba.

1 Jan 5:21

Luhpi lupia nani, gâd kuninkira nani ba aman kaiki bas.

3 Jan 1:4

Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.