1 Jan 1:8 - DAWAN BÎLA AISKA

⁸ Yawan ba saurka kumi sin âpu sa wibia kaka, wan lukanka ra kunin munisa, bara diara kasak ba kumi sin yawan ra âpu sa.

1 Jan 1:8 ပူးပေါင်းရင်းမြစ်များ

1 King Nani 8:46

“Ban kra mampara saurka daukbia kaka, upla kumi sin âpu sa saura daukras ba, bara man bui witin nani ra kupiam sauhki, ai waihla nani mihta ra mangkma kaka, witin nani ba alki priski brih wabia, waihla tasbaya ra, laihura kra, apia lamara kra,

2 King Nani 20:15

Aiseya witin ra makabi walan: —¿Bara man wamtla ra dîa kaiki banhwan? Bara Ezequías pana win: —Dîa dîa nâra ba sut pali kaikan. Diara kumi sin kaikras wimna apia, sut kaikan.

2 Kronikas 6:36

“Ban kra mampara saurka daukbia kaka, upla kumi sin âpu sa saura daukras ba, bara witin nani ra lawma kaka, ai waihla nani mihta ra mangkma kaka, witin nani ba alki priski brih wabia waihla tasbaya ra laihura, apia lamara kra,

Job 14:4

Upla kumi sin âpu sa diara tâski ba wina diara sunu sakaia.

Job 15:14

Upla sunukira ba âpu sa, ai pâtka wina pri ba sin âpu sa.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Sins Lâka 20:9

Upla kumi sin sip wiras: “Kupi na tâski âpu pali brisna, saurka sut pali wina yang sunu pali sna.”

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Jirimaya 2:35

Sakuna man baha sut dauki si bara aisisma: ‘Yang lika pâtkas. Gâd kupia baiwanka maipara âpu sa.’ Bamna aitani, man pat aisisma man saura daukras, sakuna lâ daukaia piua kum mangkaisna.

Libait Lâka 13:12

“Liparka ba isti pali ban alkan kaka mina wina lal kat taya aiska ra, prîs ba baha kaikaia sa.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Roman 3:10

Ulbanka nani ba wisa: “¡Upla yamni dauki ba âpu sa! ¡Kumi sin âpu sa!

Roman 3:23

upla sut saura yan bara Gâd mawan wina sin laihura takan.

1 Korint 3:18

Upla ai kupia ra kunin munbiara. Man nani tilam wina kumi, naha tasba sinska lâka kat witin ba sinskira sa lukisa kaka, witin ba sins âpu baku takaia sa, bara baku lika kasak sinskira pali kabia.

Galesha 6:3

Ani uplika, witin diara apia ba, diara tara sa lukisa kaka, witin pali ai lukanka ra kunin munisa.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

Jems 3:2

Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

2 Pita 2:13

bara pât wahwi kabia upla wala nani ra yan pât wahwan ba mana. Witin nani lika lilia sa lukisa, minitka ra dukiara dîa dîa dauki ba mita; baha ba swira lâka bara mina prukaia lâka kum sa, ani piua pata tara ra witin nani ba man nani wal asla iwi pi piua ra, ai tânka kuninkira nani wal lilia taki ba ra sin.

1 Jan 1:10

Sakuna yawan saura yaras wibia kaka, Gâd ba kuninkira sakisa, bara yawan lika witin smalkanka bîla ba kasak pali alki brih daukras sa.

1 Jan 1:6

Yawan lika Gâd wal asla sa wisi aisi kabia kuna tihmia ra ban takaskisa kaka, yawan lika dîa aisi ba bara dîa dauki ba sut mapara kunin aisisa.

1 Jan 2:4

Sakuna upla kum wibia: “Yang lika witin ba kakaira sna”, kuna ai lâka bîla wali daukras sa kaka, baha uplika ba kuninkira bara diara kasak ba tânka witin ra âpu sa.

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.

2 Jan 1:2

Diara kasak pali wan kupia ra bri ba mita, yang bui man nani ra latwan mai kaikisni, bara baha dukia kasak pali ba sin, ban wan kupia ra kabia.

3 Jan 1:3

Wan muihni tila nani balan, bara man kasakkam tânka ba ai win bara uya pali lilia takri, man lika ban diara kasak ba kat wataukisma bamna.