1 Jan 1:6 - DAWAN BÎLA AISKA

⁶ Yawan lika Gâd wal asla sa wisi aisi kabia kuna tihmia ra ban takaskisa kaka, yawan lika dîa aisi ba bara dîa dauki ba sut mapara kunin aisisa.

1 Jan 1:6 ပူးပေါင်းရင်းမြစ်များ

Lawana Nani 82:5

“Sakuna man nani diara kaikras, tânka sin briras banhwisma; kau tihmia ra wataukisma. Tasba playa bapanka ba nikbi banhwisma.

Lawana Nani 94:20

Man sip wihta saura nani wal uplikam takras, witin nani saura daukisa lâ ba mapara;

Sins Lâka 2:13

Baha nani yabal yamni ba mahka swi si, bara tihmia yabalka nani ra impaki ba;

Matiu 7:22

Baha yua balbia ba ra, upla ailal ai wibia: ‘Dawan, Dawan, yang nani lika man ninam mâki sturi yamni aisi banhri, ninam mâki pirit saura nani kangbi sakri, bara ninam mâki sin sain tara ailal dauki banhri.’

Jan 11:10

Sakuna upla kumi tihmia ra wataukisa kaka, ai mina prukisa, kan witin ingni ra apia sa bamna.

Jan 12:35

Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.

Jan 12:46

Yang, ingni sna na, naha tasba ra balri, bamna ani uplika nani yang ra kasak luki ba tihmia ra ban wataukaia apia sa.

Jan 8:12

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

1 Timoti 4:2

Upla mawan wâl bara kuninkira nani ra walbia, baha nani kupia lukra ba sim ayan angkan lapta ba baku sa.

Jems 2:14

Muihki nani, upla kum wibia kasak lukan lâka brisa, sakuna wark yamni daukras kaka, ¿witin mapara dîa hilpka bâra kabia ki? ¿Kasak lukan lâka ba mita sip sa ki witin ra swaki sakaia?

Jems 2:16

bara man nani tilam wina kum mita naku wibia: “Dawan wal was; puram praks, bara pis dîa sât piaia want sma ba”, sakuna ai wîna want ba dukia yabras kaka, ¿pain kabia ki?

Jems 2:18

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.

1 Jan 1:10

Sakuna yawan saura yaras wibia kaka, Gâd ba kuninkira sakisa, bara yawan lika witin smalkanka bîla ba kasak pali alki brih daukras sa.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

1 Jan 1:8

Yawan ba saurka kumi sin âpu sa wibia kaka, wan lukanka ra kunin munisa, bara diara kasak ba kumi sin yawan ra âpu sa.

1 Jan 2:4

Sakuna upla kum wibia: “Yang lika witin ba kakaira sna”, kuna ai lâka bîla wali daukras sa kaka, baha uplika ba kuninkira bara diara kasak ba tânka witin ra âpu sa.

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.