1 Jan 1:3 - DAWAN BÎLA AISKA

³ Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

1 Jan 1:3 ပူးပေါင်းရင်းမြစ်များ

Job 13:1

Naha diara nani sut na yang naikra pali ni kaikri, bara kiaima pali ni sin walri.

Lawana Nani 2:7

Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.

Lawana Nani 22:22

Yang bui man tânkam ba muihki nani ra smalkamni, upla kwâra tilara yang mamyunamni.

Aiseya 66:19

Bara witin nani ai tilara sain kum mangkamni: witin nani ai tila wina, tila nani ba plapi swak takan kabia, bara baha nani ba nisan wala nani ra blikamni, Tarsis ra, Libia ra, Lidia ra, witin nani trisba lulki ba kuntrika ra, Tubal ra bara Grik tasbaya ra sin. Kabu un ra laihura iwi nani, yang sturki kau walras nani ra, yang praina ba sin kaikras nani ba baha nani nisanka nani tilara, yang praina ba dahra witin nani aisabia.

Kulki Kaikanka 10:32

Man ba yang nani wal wama kaka, Dawan bui yang nani ra yamni ai munaia win ba aikbia ba ra, yang nani bui man ra sin yamni mai muni banhwamna.

Jan 17:11

“Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 17:21

Yang mamkabisni witin nani sut ba asla pali kabia; âu, Aisa, witin nani sut ba yawan aikuki asla kumi kabia, man lika yang wal asla pali sma ba baku, bara yang sin man wal asla pali sna. Witin nani ba asla pali kabia, bara baku mika tasba uplika nani ba kasak lukbia man mita ai blikram sa.

Jan 17:25

Aisa kasakkira, tasba uplika nani ba lika man ra mai kaikras, sakuna yang mita lika mai kakaira sna, bamna naha nani sin ai dara walisa man mita ai blikram sa.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 19:35

Baha uplika naha sturka aisi ba lika, witin pali mita ai nakra ni kaikan, bara diara kasak ba aisisa; bamna witin ai dara pain walisa, dîa aisi ba lika kasak sa; bara baku mika man nani sin kasak lukma.

Apastil Nani Sturka 13:32

“Baku bamna, yang nani nâra sna baha sturka yamni ba man nani ra mai wiaia, Gâd bui dîa wan damika nani ra pramis munan ba.

Apastil Nani Sturka 13:41

‘Man nani, lawaska kakikra nani sma ba, kaiks, tâ iwan taki si mahka prui banhs; man nani yuam ra baha sât dukia nani daukamna ba sip kasak luki banhma apia, upla kasak mita mai smalkbia sin.’ ”

Apastil Nani Sturka 2:42

Baha uplika nani lika yu bani takaskras kira, apastil nani smalkanka nani wina diara lan taki kan, bara witin nani sin pana pana ai walka dukiara luki kan, ai pura sin suni banhwi kan, sut sin asla taki brit kriki pi kan.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

Apastil Nani Sturka 4:20

Bamna yang nani sip apia, diara nani kaikri ba bara walri ba sin aisaras kaia.

Roman 15:27

Bamna witin nani mapara naha daukaia ba aitani lukata, kan witin nani lika baha uplika nani ra tras bri kan yaia. Ju uplika lalukra nani mita spirit warkka pain bukan ba Ju apia uplika nani aikuki yui brin, bara nanara aitani kan Macedonia bara Acaya uplika nani Ju lalukra nani ra wîna tara hilpka ba yaia.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 1:9

Gâd lika ai pramiska nani dauki ba kat kasak sa, bara witin sika man nani ra mai paiwan ba, ai Luhpia Jisas Kraist wan Dawan ba wal aikuki asla iwaia.

1 Korint 15:1

Bara nanara, muihki nani, yang want sna swaki sakan sturka man nani ra mai smalkri ba, kupiam krauki kama. Baha smalkanka sika brisatma ba bara bahara bapi buisma.

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Pilipai 1:7

Aitani pali sa man nani sut dukiamra baku lukamna, uya latwan mai kaikisna bamna, bara yang wal sin asla yamnika nani brisma, silak watla ra kamna kra, wihta nani mawanra sturi yamni ba tâwan kasak pali wisi wih aisi kamna kra sin.

Pilipai 2:1

Baku bamna, Kraist mita man nani ra tâm baikisa kaka, witin latwanka lâka mita maisam nihkisa kaka, ai Spiritka ba sin man nani wal sa kaka, uplikam ra kupiam pihni brih bara latwan kaikisma ba pain daukisma kaka,

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

1 Timoti 6:2

Bara alba nani ba ai dawanka lalukra nani brisa kaka, baha nani ba kasak lukan lâka mapa ra ai muihni nani wisi, witin nani mita bahki kulkaia apia sa. Sakuna, witin nani warkka ba kau pain daukaia sa; kan baha nani ai warkka pain dauki ba wina hilp bri nani ba, lalukra nani sa bara ai muihni latwankira nani sin. Naha dukia nani na, man upla nani ra smalki, baha kat daukbia wiaia sma:

Hibru Nani 2:12

Ulbanka ra witin wi ba baku: “Man dukiamra muihki nani ra aisamna, bara aidrubanka mawanra, lawana nani man ra aiwanamni.”

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

1 Pita 5:1

Nanara man nani daknikam tilara almuk nani bâra ba kupia kraukanka yabisni, kan yang na sin witin nani wal baku almuk kum sna. Yang na Kraist pât wahwanka nani witniska sna, bara naika takaia prana ba witin nani wal aikuki asla brimna.

2 Pita 1:16

Bamna wan Dawan Jisas Kraist karnika bara witin kli balaia dukiara man nani ra mai smalkri ba lika, yang nani âiya wina sturi saki paski mai smalkras, kan Dawan ba tara sa tânka yang nani naikra pali ni kaikri.

1 Jan 1:1

Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.

1 Jan 1:5

Naha smalkanka sika Jisas Kraist mita yang nani ra mairikan, bara pana man nani ra mai smalkisna ba: Gâd ba ingni bara witin ra tihmia tânka kumi sin âpu sa.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.