1 Jan 1:2 - DAWAN BÎLA AISKA

² Naha Rayaka na latan takan bara yang nani kaikri, witniska sin aisari. Man nani ra yang nani mai smalkisna naha raya ban kaia lâka na dukiara, witinka Aisa wal kan bara yawan ra param takan ba tânka nani.

1 Jan 1:2 ပူးပေါင်းရင်းမြစ်များ

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 1:4

Witin ra raya kaia lâka ba bâra kan, bara naha rayaka na sika upla nani ingnika kan.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 15:27

Bamna man nani sin yang dukira witnis aisama, kan man nani lika tâ pali piua wina yang wal kapram.

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 17:5

Bamna Aisa, nanara aik baha mayunra kau tasba na âpu kan wina man wal kan ba.

Jan 19:35

Baha uplika naha sturka aisi ba lika, witin pali mita ai nakra ni kaikan, bara diara kasak ba aisisa; bamna witin ai dara pain walisa, dîa aisi ba lika kasak sa; bara baku mika man nani sin kasak lukma.

Jan 21:14

Naha kat aima yumhpa Jisas ai disaipilka nani ra latan takan, witin pruan wina buan ningkara.

Jan 3:13

“Upla kumi sin kau kasbrika purara uli waras, sakuna witinka kasbrika purara ba wina bal iwan ba lika, baha sika Upla Luhpia Waitna ba.

Jan 7:29

Yang witinka ba kakaira sna, kan witin wina yang balri, bara witin mita ai blikan sa.

Jan 8:38

Aisa mita dîa ai marikan ba sika, yang aisisna ba; man nani diara daukisma ba lika Aisikam mai win bamna.

Apastil Nani Sturka 1:22

Jan tahbi daukata ba wina ban Jisas kasbrika purara uli wan piua ba kat. Bara aitani kabia witin nani ba wina kum wan tilara briaia, Jisas raiti wina buan ba dukiara witniska kaia.”

Apastil Nani Sturka 10:41

Upla sut ra lika param takras kan, sakuna yang nani ra lika. Gâd mita kaina wina yang nani na bâk ai sakan, witnis kaia ba dukiara. Jisas pruan wina buan ningkara, yang nani aikuki plun piri, diara sin dih banhri.

Apastil Nani Sturka 2:32

Bamna sim Jisaska sika Gâd mita pruan kan ba wina kli bukan. Bara yang nani sut baha witniska nani sna.

Apastil Nani Sturka 3:15

Baku, raya kaia lâka wankaia sip uplika ba man nani mita ikram. Ban sakuna, Gâd bui witin ba pruan wina kli bukan, bara yang nani sika baha witniska nani.

Apastil Nani Sturka 5:32

Bara naha diara witniska sika yang nani bara Spirit Holikira ba sin, witinka Gâd mita ai bîla wali dauki nani ra yan ba.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

2 Timoti 1:10

sakuna nanara wan Sasakra Jisas Kraist balan ba mita, naha latwanka lâka na latan marikan sa. Kraist bui prura karnika ba sauhki tikan, bara sturi yamni bâk, sip sauhki tikras rayaka ba witin param marikan.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

1 Pita 5:1

Nanara man nani daknikam tilara almuk nani bâra ba kupia kraukanka yabisni, kan yang na sin witin nani wal baku almuk kum sna. Yang na Kraist pât wahwanka nani witniska sna, bara naika takaia prana ba witin nani wal aikuki asla brimna.

1 Jan 1:1

Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.

1 Jan 3:5

Man nani pain kaikisma, Jisas Kraist naha tasba ra balan wan saurka nani ba pri sakaia, bara witin ra lika saurka âpu pali sa.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

1 Jan 4:2

Bamna naha tânka bâk kaikaia sip sma, Gâd Spiritka bri aisi uplika ba: ani uplika Jisas Kraist ba kasak upla natka ra naha tasba ra balan dahra param aisi ba, baha ba Gâd Spiritka brisa.

1 Jan 5:11

Bara baha witniska ba lika Gâd mita raya ban kaia lâka wankan sa, bara naha raya ban kaia lâka na lika ai Luhpia ra sa.

1 Jan 5:13

Naha ulbisni, man nani bui Gâd Luhpia ra kasak lukisma ba sut ra, bara baku lika damra wali kama man nani raya ban kaia lâka ba brisma.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.