1 Jan 1:1 - DAWAN BÎLA AISKA

¹ Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.

1 Jan 1:1 ပူးပေါင်းရင်းမြစ်များ

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Luk 24:39

Kaiks mihti nani na bara mini nani sin. Yang pali sna. Mihtam ni ai alki ai kaiks: spirit kum lika wîna tara bara dusa nani sin briras, man nani kaikisma yang brisna ba baku.

Jan 19:35

Baha uplika naha sturka aisi ba lika, witin pali mita ai nakra ni kaikan, bara diara kasak ba aisisa; bamna witin ai dara pain walisa, dîa aisi ba lika kasak sa; bara baku mika man nani sin kasak lukma.

Jan 20:27

Ningkara Jisas mita Tamas ra win: —Mihtam kulkaika ba nahara dingki, mihti nani na kaiks, bara mihtam ba sakbi tnaiya mina untika na ra dingki kaiks. ¡Bamna lukras ban kapara, sakuna kasak luks!

Jan 5:26

Kan Aisa ba yakan raya ban kaia lâka ba brisa; baku sin witin ai Luhpia ra yan, witin yakan raya ban kaia lâka sin briaia;

Jan 8:58

Jisas pana win: —Kasak pali mai wisni, Ebraham kau aisubi takras kan ba wina, yang pat bâra sni.

Apastil Nani Sturka 1:3

Jisas pruan wina buan ningkara, yu 40 witin apastil nani ra ai wîna param taki kan. Sain nani wal mariki kata nahki witin ba raya sa, bara Gâd king aimaki ba lâka dukiara sin aisi kan.

Apastil Nani Sturka 4:20

Bamna yang nani sip apia, diara nani kaikri ba bara walri ba sin aisaras kaia.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

1 Jan 5:7

Witnis nani ba yumhpa sa:

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 1:8

“Yang sika tâ bara tnata lâs ba sin,”, Dawan karnika sut bri ba baku wisa, witinka bâra ban ba, kan wina sin ban kan ba, bara balaia ba sin.

Param Marikanka 19:13

Bara kwala dimi kan ba tala baman banhki kan, bara ai nina mâkan ba lika: Gâd Bîla.

Param Marikanka 2:8

“Esmirna sertska insalka ra sin ulbi wis: ‘Tâ ba bara tnata ba sin, witinka pruan bara kli raya ba mita, naku wisa: