Lukas 7:38 - Mansaka

³⁸ Yodorod yaan sang siki ni Jesus, yolood kaba gadaraw, yamapanumdum yang surud nang ginawa naan, yang lowa naan yakabatuk sang siki ni Jesus. Kayan gyarisan naan nang logay naan kaba yaarukan yang siki. Byobobowan naan nang lana yang siki naan.

Lukas 7:38 ပူးပေါင်းရင်းမြစ်များ

Santiago 4:9

Dumduma mayo yang sara mayo sang Dios. Pagsusul kamo sang sara mayo aw kauruk kamo tungud saan. Ayaw da magikurun, awgaid pagsusul da aw kauruk.

Lukas 6:21

“Madi pa kamo na yaan yang dakora sang kamayo dumdum yang pagpangagad mayo sang pagbuut nang Dios, kay kamo yang atabangan nang Dios pagimo sang gosto mayo. “Madi pa kamo na yamauruk tungud sang kamayo sara, kay kamo yang papagumaun nang Dios.

Mateo 5:4

“Madi pa kamo na yamauruk tungud sang kamayo sara kay kamo yang papagumaun nang Dios.

Lukas 22:62

Yapanaw si Pedro kayan yagdaraw, laban yamaundug.

Lukas 7:37

Aon yagakadopang na bobay disaan na banwa. Pagdungug naan na asaan si Jesus sang baray ni Simon, komadto yaan, yagadara sang lasakanan nang lana na maballo.

Lukas 7:39

Pagkita saan ni Simon, maglaong yang surud nang dumdum naan, “Aw matungtung na propeta nang Dios si Jesus, mikilara yaan saan na bobay na yopoti sang kanaan siki, matigam yaan na yaan na bobay maat yang batasan naan.”

Juan 11:2

Yaan na Maria yang yagabobo sang maballo na lana asang siki ni Jesus kayan gyarisan naan nang kanaan logay. Yamasakit si Lasaro.