Lukas 13:31 - Mansaka

³¹ Kayan dyomatung disaan yang manga Pariseo kayan yanaglaong kang Jesus, “Ayaw da maguya nang madogay dini, kay magindoway, kay gosto ni Herodes apapatay kaw.”

Lukas 13:31 ပူးပေါင်းရင်းမြစ်များ

Mateo 14:1

Ngaon na manga allaw, byabatokan yang ari na si Herodes bain kang Jesus kay pyagaidunggan yang mangkadyaw na manga imo naan.

Lukas 3:1

Pagkamatay ni Agusto na labaw na pangoro sang kariko nang banwa na sakop nang Roma, yaan yang yasapit kanaan magpangoro si Tiberio. Sapamporo aw lima na ka toig magpangoro yaan dig Roma, si Ponsio Pilato yang gobernador sang banwa na Judea, si Herodes yang pangoro sang banwa na Galilea, yang mangod ni Herodes na si Pelipe yaan yang pangoro sang manga banwa na Iturea aw yang Trakonite, si Lisanias yang pangoro sang banwa na Abilena.

Mateo 14:3

Yang kyakaponowan nang pagpatay kang Juan yang pagsumbal naan sang sara nang ari na si Herodes. Kay yagalaong si Juan, “Yakalapas kaw, kay Ari, sang balaod nang Dios, kay yaagaw mo si Herodias na asawa nang mangod mo na si Pelipe.” Wakaw pyapadakup ni Herodes si Juan kayan piniriso. Aparabayun garo patayun si Juan, aw buku yamalluk nang manga Judio, kay yang manga Judio yatigam na si Juan yang propeta na pyagabayaan nang Dios.

Mateo 14:6

Nang allaw na pista ni Herodes sang kyakawtaw naan na allaw, aon daraga na anak ni Herodias na gasayaw disang atobangan nang manga otaw na yatambong sang pista. Laban gakarim si Herodes sang sayaw naan na daraga.

Lukas 9:7

Kayan dyungug ni Herodes na ari yang manga imo ni Jesus aw yang imo nang kanaan manga inindo. Yamaribog yang oro ni Herodes kay aon manga otaw na yanaglaong, “Si Jesus na gaimo sining manga madyaw na imo, yaan kono si Juan na magbawtismoway na yagaboi oman.”

Lukas 23:7

Pagkatigam ni Pilato na taga Galilea si Jesus, padara yaan agkang Herodes na gabisita ag Jerusalem antak yaan yang magokom kang Jesus kay si Herodes yang pangoro sang taga Galilea.