Santiao 3:18 - Masbatenyo

¹⁸ Niyan, bagaʼn binhi san kalinaw an ginahasok san mga tawo na nagapasiro sa mga nagaararaway. Nagabunga ina sin katanusan.

Santiao 3:18 ပူးပေါင်းရင်းမြစ်များ

Mateo 5:9

Malipay an mga nagapasiro kay tatawagon sinda na mga anak san Dios.

Juan 4:36

An nagaani may suhol ngani kag nakatipon sin produkto para sa buhay na waraʼn katapusan agod pareho magakalipay an parasabwag kag paraani.

Galacia 6:8

An nagatanom para sa kaila san lawas magaani naman sin pagkadunot kag kamatayon. Pero an nagatanom para mapalipay an Espirito Santo magaani man sin buhay na waraʼn katapusan hali sani na Espirito.

Filipos 1:11

Tapos, magakaigwa gayod an iyo buhay sin mga kaayuhan na ginahimo ni Jesu-Cristo sa iyo para maipagalang kag maipaumaw an Dios mismo.

Hebreo 12:11

Dili matahom an madisiplina kundi masakit gali sana na kaorason. Pero mga pira-pira an ginabunga naman sana kalinaw san isip kag katanusan para sa mga nag-ako sana na disiplina.

Santiao 1:20

Kay an kaurit dili nakabulig sa katuyuan san Dios para sa tawo na magpakamatanos.