Mga Himo 9:10 - Masbatenyo

¹⁰ Niyan, may disipulos didto sa Damasco na an ngaran si Ananias. Gintawag siya san Ginoo sa usad na pangitaon, “Ananias.” Nagsabat siya, “Adi ako, Ginoo.”

Mga Himo 9:10 ပူးပေါင်းရင်းမြစ်များ

Mga Himo 10:3

Usad na adlaw san mga alas tres an hapon may anghel san Dios na nakita niya sin klarado sa pangitaon na nagasulod kag nagatawag, “Cornelio!”

Mga Himo 11:5

“Myintras nagapangadyi ako didto sa syudad san Jope, nakakita ako sin pangitaon na may ginatunton na bagaʼn halapad na habol hali sa langit. Bagaʼn nagahalapit idto sa akon.

Mga Himo 12:9

Kaya, nagsunod siya sa anghel paluwas san prisuhan, pero dili niya aram na matuod an nangyayari kundi naghuna siya na nakakita lang sin pangitaon.

Mga Himo 16:10

Kaya, pakatapos sani na pangitaon, naghanda dayon kami pakadto sa Macedonia kay naisip namon na an Dios nagtawag sa amon na magpahayag man san Maayo Na Barita sa mga tawo didto.

Mga Himo 16:9

Pagkagab-i sadto may nakita si Pablo na pangitaon kun diin may lalaki na taga-Macedonia nagatindog kag makimaluoy sa iya, “Magpakadi ka tabi sa Macedonia agod mabuligan mo kami.”

Mga Himo 18:9

Usad sin gab-i an Ginoo nagsabi kan Pablo sa pangitaon, “Dili ka mahadlok kundi magpadayon pagsurmaton kag dili mag-udong,

Mga Himo 2:17

‘Nagsabi an Dios, Amo ini an hihimuon ko sa mga urhi na adlaw san kinaban. Papakadaon ko an akon Espirito sa tanan na mga katawuhan. Kaya, an iyo mga anak na lalaki kag mga babayi magasurmaton san ipapasabi sa inda san Espirito Santo. Makakita sin mga pangitaon an mga batan-on na mga lalaki, kag an iyo naman mga kagurangan may mga pangitaon man paagi sa mga damgo.

Mga Himo 22:12

“May tawo didto na an ngaran si Ananias. Nagasunod gayod siya sa aton Kasuguan kag ginagalangan san tanan na mga Judio didto.

Mga Himo 9:12

kag may nakita pa siya sa pangitaon na tawo na an ngaran Ananias na nagsulod kag gindapatan siya san kamot agod magbalik an iya pagkita.”

Mga Himo 9:9

Tulo ka adlaw dili siya nakakita kag wara magkaon ni mag-inom.

2 Corinto 11:32

Halimbawa, sa syudad san Damasco pinabantayan san gobernador na sakop san Hadi na si Aretas an tanan na luwasan sa syudad agod dakupon ako.

Galacia 1:17

Wara man ako magkadto sa Jerusalem agod makig-istorya manungod sani sa mga apostol na nauna sa akon sa pagtuod, kundi nagkadto ako sa disyerto san Arabia. Pakatapos, nagbalik ako sa syudad san Damasco.