Mga Himo 2:37 - Masbatenyo

³⁷ Pakabati ninda sani, nakonsensya gayod sinda, kaya naghunga kan Pedro kag sa iba na mga apostoles, “Mga kaigmanghudan, nano an dapat namon himuon?”

Mga Himo 2:37 ပူးပေါင်းရင်းမြစ်များ

Lucas 3:10

Naghurunga sa iya an mga kadamuan, “Nano man gali an dapat namon himuon?”

Lucas 3:12

Igwa man sin mga parasukot san buwis na nagkaradto para magpabunyag kag naghunga sa iya, “Sir, saka kami, nano an dapat namon himuon?”

Lucas 3:14

May mga suldados man na naghunga sa iya, “Saka kami gali? Nano man an dapat namon himuon?” Nagsabat siya, “Ayaw pagpangwarta paagi sa pakusugan o buwa na pag-akusar kundi kinahanglan na makontento kamo san iyo sweldo!”

Juan 8:9

Pakabati ninda sani, usad-usad na nagharali tuna sa pinakagurang hasta na si Jesus na lang an nabilin kaupod san babayi na nagatindog didto.

Mga Himo 1:16

“Mga kaigmanghudan, dapat matuman an kasuratan na ginsurmaton kasadto pa san Espirito Santo paagi san kasadto na hadi na si David manungod kan Judas na amo an naggiya sadtoʼn mga nag-arestar kan Jesus.

Mga Himo 22:10

“Didi ako naghunga, ‘Nano an hihimuon ko, Ginoo?’ “Nagsabat an Ginoo sa akon, ‘Magtindog ka kag magkadto sa Damasco. Didto sasabihan ka san ipapahimo sa imo.’

Mga Himo 5:33

Pakabati sani, naurit gayod sinda kag gusto ipapatay an mga apostoles.

Mga Himo 7:54

Niyan, pakabati ninda sani kan Esteban, naurit gayod kag nagpagot sa kaurit sa iya.

Roma 7:9

Dati buhay ako sadtoʼn wara pa ako makaaram san Kasuguan. Pero pag-abot san Kasuguan nakilala ko na may kasal-an ako kaya ako naman ginkondinar na mamatay.