Mga Himo 2:20 - Masbatenyo

²⁰ Magadulom an adlaw kag magapula an bulan bagaʼn dugo. Ini tanan antes mag-abot an dako kag gloryoso na adlaw san Dios.

Mga Himo 2:20 ပူးပေါင်းရင်းမြစ်များ

Mateo 24:29

“Pakatapos lang san mga patios sana na mga adlaw pagapadulumon an adlaw, mawawar-an sin pawa an bulan, magakahurulog an mga bituon sa langit kag an mga makagagahom sa kalangitan pagauy-ugon.

Mateo 27:45

Mga alas dose an udto san magdulom an bilog na nasyon hasta na mga alas tres an hapon.

Marcos 13:24

Nagpadayon pa si Jesus, “Pero pakatapos san kasakitan sana na mga adlaw, ‘pagapadulumon an adlaw kag mawawar-an sin pawa an bulan.

Lucas 21:25

“Magakaigwa sin mga tanda sa adlaw, sa bulan kag sa mga bituon. Sa duta magakaigwaʼn grabe na kalisangan. An mga tawo san mga nasyon mangingirhat san dinaguhob san kadagatan kag daragko na mga balod.

Mga Himo 2:19

Magapakita ako sin mga milagro sa kalangitan, kag sa kinab-an sin mga makangangalas na may dugo o kalayo kag madakmol na aso.

Mga Himo 2:21

Tapos, an tanan na magatawag sa Dios masasalbar.’

1 Corinto 5:5

ipaniwala niyo kan Satanas ina na lalaki para siraon an iya lawas, agod masalbar an iya espirito pag-abot san adlaw san paghusgar san Ginoo.

1 Tesalonica 5:2

Aram na baga niyo gayod na mangangarat an mga katawuhan sa pag-abot san Ginoo sana na adlaw pareho san inda pagkangarat sa pag-abot san makawat sa gab-i.

2 Pedro 3:10

Pero an adlaw san pag-abot san Ginoo pareho san sa makawat. Sana man na adlaw an langit mawawara na may makusog gayod na daguhob, kag an tanan na mga ada dida masusunog kag masisira. Sugad man mawawara an duta didi hasta tanan na ada sana.

2 Pedro 3:7

Sa mismo surmaton san Dios, nakatigana na na sunugon an langit kag duta na adi niyan hasta sa adlaw na pagahusgaran kag pagakastiguhon an mga tawo na dili na matanos.

An Ginhayag 16:8

Niyan, nagkadto na an ikaupat na anghel kag ginbu-bo an sulod san iya mangko sa adlaw. Ginhatagan ini sin gahom na pasuon san kalayo an mga tawo.

An Ginhayag 6:12

Nagmasid ako san gin-abrihan niya an ikaunom na napilitan. Igwaʼn grabe na linog, nagdulom an adlaw pareho san maitom na tela kag an bulan nagin pula gayod pareho san dugo.