Mga Himo 14:9 - Masbatenyo

⁹ Namati siya kan Pablo na nagasurmaton. Si Pablo naman ginakita siya sin maayo kag san mapanginanuhi na may pagtuod siya na mag-ayo,

Mga Himo 14:9 ပူးပေါင်းရင်းမြစ်များ

Mateo 13:58

Kaya kay wara sindaʼn pagtuod, kulang an mga milagro na ginhimo niya didto.

Mateo 15:28

Kaya ginsabihan siya ni Jesus, “Tia, matuod man gayod na hugot an pagsarig mo! Nangyari na an imo ginahandom.” Tapos sadto mismo nag-ayo dayon an iya anak na babayi.

Mateo 8:10

Pakabati sani ni Jesus nagngalas, inaatubang an kadamuan na nagasurunod sa iya kag nagsurmaton, “Ginasiguro ko sa iyo na wara pa gayod ako makakita sin may pareho saniʼn pagtuod sa bilog na Israel.

Mateo 9:22

Naglingi si Jesus kag pakakita sa iya nagsabi, “Tia, pakusuga an imo buot kay an pagtuod mo sa akon amo an nakaayo sa imo.” Sadto mismo nag-ayo na ngani an babayi.

Marcos 10:52

Ginsabihan siya ni Jesus, “Umuli ka. An pagtuod mo amo an nakaayo sa imo.” Sana mismo nakakita dayon siya kag nagsunod kan Jesus.

Marcos 2:5

San mapanginano ni Jesus an inda ginhimo dahilan san pagtuod sa iya, nagsabi siya sa paralitiko, “Anak, napatawad na an imo mga kasal-an.”

Marcos 8:25

Tapos dinapatan gihapon ni Jesus an mata san lalaki kag ini nakakita na sin maayo. Nagpawa na an iya pangita san tanan na bagay.

Mga Himo 10:4

Nagsud-ong siya na may kahadlok sa anghel kag nagsabat, “Nano po, Ginoo?” Nagsabi ini sa iya, “An imo mga pangadyi kag mga pagbulig ginbaton na para handumanan mo sa atubangan san Dios.”

Mga Himo 3:4

Ginturok ninda siya tapos nagsabi si Pedro, “Magkita ka sa amon!”