Mga Himo 10:5 - Masbatenyo

⁵ Niyan, magpasugo ka sin mga lalaki sa Jope kag pakadion mo si Simon na ginatawag Pedro.

Mga Himo 10:5 ပူးပေါင်းရင်းမြစ်များ

Marcos 3:16

An napili niya amo ini: si Simon na ginpangaranan niyaʼn Pedro,

Juan 1:42

Pakatapos, gin-upod niya siya kan Jesus. Tinurok si Pedro ni Jesus kag sinabihan, “Ah, ikaw gali si Simon na anak ni Juan. Pagangaranan ka sin Cefas,” (ini pareho san ngaran na Pedro na an gusto sabihon, “bato”).

Mga Himo 10:18

kag nagtawag para hungaon kun nagaistar didto si Simon na ginatawag Pedro.

Mga Himo 10:32

Magsugo ka pakadto sa Jope kag patabian si Simon na ginatawag Pedro. Siya nagaistar didto sa balay ni Simon na paratina san anit. Halapit ina sa may dagat.’

Mga Himo 15:7

Pakatapos san halaba na mga suruay, tumindog si Pedro kag nagsabi, “Mga kaigmanghudan, naaraman niyo na kasadto ginpili ako san Dios sa iyo na magtukdo sa mga dili-Judio san Maayo Na Barita agod magtuod sinda.

Mga Himo 16:9

Pagkagab-i sadto may nakita si Pablo na pangitaon kun diin may lalaki na taga-Macedonia nagatindog kag makimaluoy sa iya, “Magpakadi ka tabi sa Macedonia agod mabuligan mo kami.”

Mga Himo 9:36

Niyan didto sa lungsod san Jope may nagatuod man na babayi na an ngaran Tabita, na Dorcas an gusto sabihon sa Griego. Nagaparahimo siyaʼn maayo na gawi kag nagabulig sa mga nagakinahanglan.

Mga Himo 9:38

Tapos, pakabaritai san mga nagatuod didto sa Jope na adto si Pedro sa Lida, nagsugo sin duha na tawo pakadto sa iya kay halapit lang iniʼn Lida sa Jope. Ginpatabian ninda siya na magkadto anay sa inda kag magdali gayod.

Mga Himo 9:42

Naaraman ini sa bilog na Jope, kaya damo an nagtuod sa Ginoo.

Mga Himo 9:43

Pakatapos sani, nag-istar si Pedro sa Jope sin damo pa ka adlaw kaupod ni Simon na paratina san anit.