Mateo 5:6 - Masbatenyo

⁶ Malipay an mga nagahandom gayod na magtuman san kagustuhan san Dios pareho san tawo na ginagutom kag ginauhaw kay tutumanon san Dios an inda ginahandom.

Mateo 5:6 ပူးပေါင်းရင်းမြစ်များ

Lucas 1:53

Ginpabuganaan niya an mga nagugutom pero an mga mayaman ginpahali sin waraʼn dara.

Lucas 6:21

Malipay man kamo na nagugutom yana kay pagabusugon. Malipay man kamo na nagatarangis yana kay pagapatawahon pag-abot san kahadian san Dios.

Lucas 6:25

Kamakaluluoy man niyo na mga burusog yana kay kamo magugutom! Kamakaluluoy man niyo na mga nagatarawa yana kay kamo magamurundo kag magatarangis!

Juan 4:14

pero dili na gayod mapapaha pa an mag-inom san tubig na ihahatag ko pero magigin bagaʼn burabod ina sa iya na tubig na magabulos kag hahatagan siya san buhay na waraʼn katapusan.”

Juan 6:27

Ayaw pagparapagal sin pagkaon na nasisira kundi an pagkaon na matagal para sa buhay na waraʼn katapusan. Amo ini an pagkaon na ako na Anak San Tawo magahatag sa iyo kay ako an ginhatagan san Dios Ama san otoridad agod himuon ini.”

Juan 7:37

Sa katapusan na adlaw san pyista, na amo an pinakaimportante na adlaw, nagtindog si Jesus kag nagsurmaton sa makusog na boses. “Kun may napapaha, pakadia sa akon kag mag-inom.

An Ginhayag 7:16

Dili na sinda magugutom o mapapaha gihapon, o mabubulad sa adlaw o mapapaso sa grabe na init.