Marcos 13:23 - Masbatenyo

²³ Ginpadaanan ta na kamo sani tanan antes pa ini mangyari kaya dapat kamo maglikay.”

Marcos 13:23 ပူးပေါင်းရင်းမြစ်များ

Mateo 24:25

Pamatii gayod kay ginpadaanan ta na kamo antes pa ini mangyari.

Mateo 7:15

“Paghimat kamo sa mga buwaon na propeta. Makada sinda sa iyo na nagapakitaʼn mapainubuson pareho sa mga karnero pero sa sulod sinda mga simaron na hayop.

Marcos 13:22

kay damoʼn maruluwas na mga magapatuud-tuod na mga Cristo kag mga propeta. Makakahimo sinda sin mga milagro kag makangangawa na mga bagay agod makaluko bisan sa mga pinili san Dios kun mahimo ninda.

Marcos 13:24

Nagpadayon pa si Jesus, “Pero pakatapos san kasakitan sana na mga adlaw, ‘pagapadulumon an adlaw kag mawawar-an sin pawa an bulan.

Marcos 13:33

Kaya magmaikmat kamo kag magbantay kay dili niyo aram kun san-o ini mangyayari.

Marcos 13:5

Kaya ginsabihan naman sinda ni Jesus, “Maglikay gayod kamo na dili maluko san sin-o man manungod sani.

Marcos 13:9

“Maglikay kamo mismo. Pagadarhon kamo san mga tawo sa inda mga konseho. Pagakastiguhon man kamo sa mga sinagoga kag pagpapaatubangon kamo sa mga gobernador kag mga hadi tungod sa akon agod magpamatuod sa atubangan ninda.

Lucas 21:34

“Kaya maghimat kamo! Ayaw pagkasibot sa mga kalipayan, paghurubugan kag pagkahandal sani na buhay kay basi ina na adlaw nag-abot sin bigla pareho san paglabtik san padlong.

Lucas 21:8

Nagsabat siya, “Maghimat gayod kamo na dili maluko kay damo an magaabot na magasambit man san ngaran ko kag magasabi, ‘Ako an Cristo,’ kag, ‘Halapit na an katapusan san kinab-an.’ Pero ayaw gayod pag-apas sa inda.

Juan 14:29

Ginsabi ko na ini sa iyo antes mangyari agod kun mangyari magtuod kamo.

2 Pedro 3:17

Kaya, kamo na mga pinalangga ko, kay aram na niyo ini, magbantay kay agod dili madara sa mga sala san mga parasupak, kag dili man mawara an maayo niyo na kamutangan.