Marcos 12:34 - Masbatenyo

³⁴ San nabati ni Jesus na maayo an iya panabat ginsabihan siya, “Haros makasulod ka na sa kahadian san Dios.” Pakatapos sadto waraʼn nagkusug-kusugan sin buot na maghunga pa sa iya.

Marcos 12:34 ပူးပေါင်းရင်းမြစ်များ

Mateo 12:15

Pakaarami sani ni Jesus naghali siya sadto na lugar. Damo na mga tawo an nagsurunod sa iya kag gin-ayo niya an tanan na may ginabatyag,

Mateo 12:20

Pareho san buak na bagakay kag san nagakipat-kipat na lampara an mga kulang san pagtuod sa iya. Pero dili siya magabari kag dili magaparong sa inda kundi pagapakusugon niya an inda pagtuod hasta na an hustisya san Dios ipalukop niya sa tanan na lugar.

Mateo 22:46

Wara man sa inda sin nakasabat bisan usad kaya magtuna sadto wara na sin nagkusug-kusugan sin buot na maghunga sa iya.

Lucas 20:40

Kaya wara naʼn nagkusug-kusugan sin buot na maghunga pa sa iya.

Roma 7:9

Dati buhay ako sadtoʼn wara pa ako makaaram san Kasuguan. Pero pag-abot san Kasuguan nakilala ko na may kasal-an ako kaya ako naman ginkondinar na mamatay.

Galacia 2:19

Pero, san maaraman ko na dili gayod ako magigin matanos paagi sa Kasuguan, ginpabayaan ko ini. Kaya bagaʼn namatay ako paagi sani agod magkaigwaʼn buhay para sa Dios.

Colosas 4:6

Himua niyo na may pagkamabuot kag paghimat an iyo panurmatunon agod masabat niyo sin angay an tanan na hunga.