Lucas 6:21 - Masbatenyo

²¹ Malipay man kamo na nagugutom yana kay pagabusugon. Malipay man kamo na nagatarangis yana kay pagapatawahon pag-abot san kahadian san Dios.

Lucas 6:21 ပူးပေါင်းရင်းမြစ်များ

Mateo 5:4

Malipay an mga nagaagrangay kay pagalipayon.

Mateo 5:6

Malipay an mga nagahandom gayod na magtuman san kagustuhan san Dios pareho san tawo na ginagutom kag ginauhaw kay tutumanon san Dios an inda ginahandom.

Lucas 1:53

Ginpabuganaan niya an mga nagugutom pero an mga mayaman ginpahali sin waraʼn dara.

Lucas 6:20

Tapos ginsud-ong ni Jesus an iya mga disipulos kag nagsabi, “Malipay kamo na mga pobre kay para sa iyo an kahadian san Dios!

Lucas 6:22

Malipay naman kamo kun ginakabadlian san mga tawo, ginapaluwas sa inda, ginatuya-tuya kag ginasikway na pareho san kriminal dahilan sa pagtuod sa akon na Anak San Tawo!

Lucas 6:25

Kamakaluluoy man niyo na mga burusog yana kay kamo magugutom! Kamakaluluoy man niyo na mga nagatarawa yana kay kamo magamurundo kag magatarangis!

Juan 11:35

Didi, nagtangis si Jesus.

Juan 4:10

Nagsabat si Jesus, “Kun aram mo lang an ginahatag san Dios kag kun sin-o ini na nagapangayo sa imoʼn mainom, ikaw pa an mangayo sa iya kag pagahatagan sin tubig na nagahatag-buhay.”

Juan 6:35

Didi nagpahayag si Jesus: “Ako an pagkaon na nagahatag sin buhay. An makiusad sa akon dili gayod gugutumon hasta na lang kag an magtuod sa akon dili man papahaon hasta na lang.

1 Corinto 4:11

Hasta sani na kaurason nagugutom kami kag napapaha. Haros wara kami sin ikabado. Ginabugbog kami san mga tawo kag wara kamiʼn sadiri na balay.

2 Corinto 11:27

Nagtrabaho ako, nagpagal kag nagpuka. Nagutom ako kag napaha. Damo na beses na wara akoʼn pagkaon. Minsan ginatakigan ako tungod san kakulangan sin bado.

2 Corinto 12:10

Kaya alang-alang kan Cristo, kontento ako na may kaluyahan, ginatuya-tuya san mga tawo, nagtitios, ginapasakitan kagmay mga kalisudan, kay kun sano ako maluya amo an oras na makusog ako.

2 Corinto 6:10

Bisan mamunduon kami, pirme naman malipayon. Mga pobre kami pero damo an pinayaman namon. Mga wara-wara gayod kami pero tagsadiri kami san tanan.

Santiao 1:12

Kaya ngani palabi idtoʼn matinumanon sa Dios kun ginaporbaran siya, kay dahilan sani babatunon niya an buhay na waraʼn katapusan bilang korona. Gintuga gayod ini san Dios sa inda na nagapalangga sa iya.

An Ginhayag 21:3

Nabati ko naman an makusog na boses hali sa trono na nagasabi, “Kitaa, an istaran san Dios ada na sa mga tawo! Magaistar siya sa inda kag magigin katawuhan na sinda san Dios. Siya mismo makakaupod ninda kag magigin Dios siya ninda.

An Ginhayag 7:16

Dili na sinda magugutom o mapapaha gihapon, o mabubulad sa adlaw o mapapaso sa grabe na init.