Lucas 23:35 - Masbatenyo

³⁵ Nagamarasid didto an mga miron sa iya pero ginaparatuya-tuya siya san mga namumuno san mga Judio. An sabi ninda, “May ginsalbar siya na mga iba, niyan, ipasalbar man daw niya mismo an iya sadiri kun siya man gayod an Cristo, an Pinili san Dios!”

Lucas 23:35 ပူးပေါင်းရင်းမြစ်များ

Mateo 12:18

“Adi an akon suruguon na pinili ko. Siya an akon palangga na ginakalipay ko gayod. Ihahatag ko sa iya an akon Espirito kag igapahayag niya an matuod na hustisya sa tanan na tawo.

Mateo 3:17

Tapos may boses na nabati hali sa langit, “Ini an akon palangga na anak na ginakalipay ko gayod.”

Lucas 16:14

An mga Pariseo na makikwarta nakabati sani tanan kag gintarawhan ninda si Jesus.

Lucas 23:13

Ginpatipon naman ni Pilato an mga namumuno san kapadian, mga namumuno san mga Judio kag san katawuhan.

Lucas 23:39

Gintuya-tuya man siya san usad san mga kriminal na nakapako, “Dili ka ba an Cristo? Isalbar daw an sadiri mo hasta kami.”

1 Pedro 2:4

Maghalapit kamo sa Ginoo na si Jesus na ginatawag an bato na buhay. Ginhabuan siya san mga tawo, ugaling may halaga siya sa Dios kaya pinili niya siya.