Lucas 2:47 - Masbatenyo

⁴⁷ An tanan na nakabati sa iya nangawa san iya kadunungan kag mga panabaton.

Lucas 2:47 ပူးပေါင်းရင်းမြစ်များ

Mateo 13:54

Pagbalik naman niya sa iya sadiri na lugar, nagtukdo siya sa mga tagadidto sa inda sinagoga. Nangawa sinda kag naghurunga, “Pan-o nagin madunong ini na tawo kag makahimo sani na mga milagro?

Mateo 22:33

San pakabati sani san kadamuan nagngalas sinda san iya gintukdo.

Mateo 7:28

Pakatapos pagsurmaton sani ni Jesus, nagngalas an mga kadamuan sa iya katukduan,

Marcos 1:22

Nagkangarawa sinda sa iya katukduan kay nagatukdo siya bilang tawo na may poder. Dili ini pareho san mga paratukdo san inda Kasuguan.

Marcos 11:18

Nabaritaan ini san mga namumuno san kapadian kag mga paratukdo san Kasuguan. Kaya nagahanap sinda sin paagi na patayon siya kay nagakaharadlok sinda sa iya dahilan na an tanan na mga tawo nagkangarawa sa iya pagtukdo.

Marcos 6:2

Pag-abot san Adlaw San Pagpahuway nagtuna siya pagtukdo sa sinagoga. An kadamuan sa inda na nagbarati nagkangarawa na nagasabi, “Diin siya nagkuha sani na iya ginapanurmaton? Nano na kadunungan ini na hinatag sa iya? Pan-o siya nakahimo sani na mga milagro?

Lucas 2:18

Nagkangarawa an tanan na nakabati san ginpangistorya san mga pastor.

Lucas 2:46

San ikatulo na ka adlaw nakita ninda si Jesus sa templo. Didto nagaingkod siya kaurupod san mga maestro san Kasuguan, nagapamati kag nagahinunga sa inda.

Lucas 4:22

Nagkangarawa an tanan san iya mga matahom na panurmaton kag nauyunan siya. Pakatapos nagpahurunga-hunga sinda, “Dili ba anak lang ini ni Jose?”

Lucas 4:32

Nagkangarawa sinda sa iya katukduan kay may poder an iya panurmaton.

Juan 7:15

Nagngalas an mga Judio na nagahunga, “Pan-o ini na tawo nakaaram sani tanan na wara man siya mag-adal manungod san aton Kasuguan?”

Juan 7:46

Kaya nagsabat an mga gwardya, “Waraʼn nakapanurmaton pareho san otoridad sani na tawo.”