Lucas 19:44 - Masbatenyo

⁴⁴ Pagasiraon ka kag san tanan na mga tawo na nasa sulod san imo pader. Wara sindaʼn ibibilin bisan usad na bato na nakatungtong tungod na wara mo pagkilalaha an pag-abot sa imo san Ginoo!”

Lucas 19:44 ပူးပေါင်းရင်းမြစ်များ

Mateo 24:2

Pero sinabat niya sinda, “Nakikita niyo ini tanan? Ginasiguro ko sa iyo na waraʼn nagaturumbawan na bato didi na mabibilin ni usad kay an tanan maruruba.”

Marcos 13:2

Nagsabat si Jesus, “Nakikita ba niyo iniʼn mga daragko na mga gusali? An tanan maruruba. Waraʼn mabibilin ni usad saniʼn nagatarakin na bato.”

Lucas 1:68

“Umawon an Ginoo na Dios san Israel kay nagpakadi siya kag ginlibre an iya mga tawo.

Lucas 1:78

Ini na pagpatawad paagi sa dako na kaluoy san aton Dios. An pagsalbar niya pareho san pagsirak sa aton san adlaw

Lucas 19:42

“Kun naarman mo lang na yana an kinahanglan para sa pakigsiruan kaya lang nakatago na ina sa imo pangita.

Lucas 21:6

“Maabot an panahon na wara gayod ni usad na bato na mabibilin sani tanan na iyo makikita didi yana kay an tanan maruruba.”

1 Pedro 2:12

Kinahanglan maayo gayod an paggawi niyo sa mata san mga dili nagatuod kay kun pakarauton kamo, makikilala lugod ninda an maayo niyo na gawi, kaya pagaumawon ninda an Dios sa adlaw san pag-abot niya.