Lucas 18:34 - Masbatenyo

³⁴ Pero wara sindaʼn nasabutan san ginpanurmaton niya kay bagaʼn natago ini kag wara gayod sinda kapanginano san gusto sabihon sani.

Lucas 18:34 ပူးပေါင်းရင်းမြစ်များ

Marcos 9:32

Dili pa gihapon ninda nasabutan an iya gusto sabihon kag nahahadlok sinda maghunga sa iya.

Lucas 18:33

Pakatapos lalatiguhon kag ipapatay pero sa ikatulo ka adlaw mabubuhay ako gihapon.”

Lucas 2:50

Pero wara ninda masabuti an iya gusto sabihon.

Lucas 24:25

Didi sinabihan ni Jesus an duha, “Mga tanga na mga tawo, mga matugas pagpatuudon san tanan na ginsabi san mga propeta!

Lucas 24:45

Kaya ginpamuklat niya an inda kaisipan agod masabutan an Banal Na Kasuratan.

Lucas 9:45

Pero dili ninda nasabutan kun nano an gusto sabihon sani na iya ginsabi kay gintago ini sa inda agod dili ninda mapanginano kag nahahadlok man sinda maghunga sa iya.

Juan 10:6

Gin-istorya ni Jesus ini sa inda pero wara ninda masabutan kun nano an iya gusto sabihon.

Juan 12:16

Sadto mismo wara anay nasabutan san iya mga disipulos ini na nangyari pero pakasakat ni Jesus sa iya trono sa langit, amo pa lang ninda nadumduman ini na sinurat manungod sa iya kag ginhimo ninda ini sa iya.