Lucas 16:17 - Masbatenyo

¹⁷ Pero kun an Kasuguan an pagsurmatunan mas madali pa na paraon an langit kag duta kisa halion an gahom bisan an pinakamenos na parte sani.

Lucas 16:17 ပူးပေါင်းရင်းမြစ်များ

Mateo 5:18

Ginasiguro ko sa iyo na myintras may langit kag duta waraʼn mapapara na parte o linya sani na Kasuguan hasta na matuman an tanan.

Lucas 21:33

An langit kag duta mawawara pero magapadayon hasta na lang an akon mga surmaton.”

Roma 3:31

Nano, ginahalian na naton sin pulos an Kasuguan paagi sani na pagtuod? Dili, kundi lalo pa ngani naton ginapalabaw ini.

1 Pedro 1:25

pero magapabilin hasta na lang an surmaton san Dios.” Ini an surmaton san Maayo Na Barita na gintukdo sa iyo.

2 Pedro 3:10

Pero an adlaw san pag-abot san Ginoo pareho san sa makawat. Sana man na adlaw an langit mawawara na may makusog gayod na daguhob, kag an tanan na mga ada dida masusunog kag masisira. Sugad man mawawara an duta didi hasta tanan na ada sana.

An Ginhayag 20:11

Pakatapos, nakakita akoʼn dako na puti na trono kag san nakaingkod sani. Napara an kinab-an kag langit sa iya atubangan kag wara na gayod ini makita.

An Ginhayag 21:1

Pakatapos nakakita akoʼn bag-o na langit kag bag-o na duta. Wara na an dati na langit kag duta kag amo man an dagat.

An Ginhayag 21:4

Pagapahidan niya an tanan na luha sa inda mga mata. Wara na sin mamamatay, mamumundo o magatangis o magabatyag sin sakit kay an mga kasadto nag-agi na.”