Juan 6:45 - Masbatenyo

⁴⁵ Nasurat sa libro san propeta na si Isaias, ‘Tapos, pagatukduan sinda tanan san Dios!’ An nagapamati kag nakaaram sa Ama nakiusad sa akon.

Juan 6:45 ပူးပေါင်းရင်းမြစ်များ

Mateo 11:27

Tapos nagpadayon siya gihapon pagsabi sa mga tawo, “An tanan na poder ginhatag sa akon san akon Ama. Waraʼn nakakakilala sa Anak kundi an Ama. Wara man sin nakakakilala sa Ama kundi an Anak kag sadto man na mga ginagusto san Anak na pahayagan san manungod sa Ama.

Mateo 17:5

Nagasurmaton pa si Pedro san nahandungan dayon sinda sin masilaw na dampog kag hali sani may nabati na nagasurmaton, “Adi an akon palangga na Anak na ginakalipay ko gayod. Pamatii niyo siya!”

Marcos 1:2

An propeta na si Isaias nakasurat manungod sa ginsabi san Dios sa Anak, “Kitaa, may susuguon ako pakada sa kinab-an na mauuna sa imo. Magapreparar siya san imo aagihan.”

Lucas 1:70

Ini ginpahayag san Dios paagi sa iya mga banal na propeta kasadto na mga panahon

Lucas 18:31

Ginbulag ni Jesus an dose na disipulos kag sinabihan, “Tandai, nagasagka kita pa-Jerusalem kun diin matutuman an tanan na sinurat san mga propeta manungod sa akon na Anak San Tawo.

Juan 10:27

An akon mga karnero nagapamati san akon boses, kilala ko sinda kag nagasunod sinda sa akon.

Juan 6:37

An tanan na tawo na ginatiwala sa akon san Ama makiusad sa akon kag an mga makiusad sa akon dili ko gayod pagahabuan

Juan 6:65

Tapos, nagpadayon siya, “Amo ini an dahilan kun nano kay ginsabi ko sa iyo na waraʼn makiusad sa akon kun dili tugutan san Ama.”

Mga Himo 13:40

Kaya maghimat agod dili mangyari sa iyo an ginsabi san mga propeta:

Mga Himo 7:42

Pero an Dios gintalikdan kag ginpabayaan sinda na magsamba sa mga bituon sa kalangitan, pareho san nasurat sa libro san mga propeta: ‘Mga katawuhan san Israel, wara kamo naghalad sa akon sin ginpatay na mga hayop kag mga halad sa sulod san 40 ka tuig sa disyerto.

Efeso 1:17

na an Dios na gloryoso na Ama san aton Ginooʼn Jesu-Cristo magahatag lugod sa iyo san kadunungan kag pagpahayag paagi san iya Espirito agod makilala gayod niyo siya.

Filipos 3:15

Kita tanan na mga masarig na an pagtuod kinahanglan magsunod sani na ginsabi na gawi. Kun ugaling igwa sa iyo sin may iba na gawi, pagapasabuton man lang ini sa iyo san Dios.

1 Tesalonica 4:9

Gintukdo na sa iyo san Dios kun pan-o niyo kamut-an an iyo kapwa Kristyano, kaya dili na kinahanglan na isurat pa namon ini.

Hebreo 10:16

“Nagsabi an Ginoo, ‘Amo an hihimuon ko na sinumpaan sa inda sa mga maabot na panahon. Ipapasabuot kag ipapaisip sa inda an akon mga sugo.’,”

1 Juan 2:27

Pero nagapirme sa iyo an Espirito Santo na ginhatag sa iyo ni Cristo. Kaya, dili na kinahanglan na may magtukdo pa sa iyo kay siya naman an nagatukdo san tanan kag an ginatukdo niya matuod, dili buwa. Kaya, sugad san pagtukdo san Espirito Santo sa iyo, magpirme kamo kan Cristo.