Juan 21:9 - Masbatenyo

⁹ Pagsalta ninda sa baybayon, nakita ninda na igwaʼn tinapay kag may baga san uring na may mga ginaihaw na isda.

Juan 21:9 ပူးပေါင်းရင်းမြစ်များ

Mateo 4:11

Pakatapos binayaan siya san demonyo kag nag-arabot an mga anghel agod mag-ataman sa iya.

Marcos 8:3

Kun paulion ko sinda na gutom basi magkadirismayo sinda sa dalan kay an iba sa inda hali pa sa harayo na lugar.”

Juan 18:18

Mahagkot sadto kaya nagdabok sin uring sa kalayo an mga suruguon kag san mga bantay. Nagtirindog sinda didto patalibod na nagapainit. Adto man didto si Pedro nagapainit kaupod man ninda.

Juan 21:10

Ginsugo sinda ni Jesus, “Pagdara kamoʼn isda na nakuha pa lang niyo.”

Juan 21:13

Naghalapit si Jesus, kinuha an tinapay kag ginpanghatag sa inda kag amo man an isda.

Juan 21:8

Pero an iba na mga disipulos nagpahubasan na guyod an lambat na puno sin isda kay halapit lang sinda sa baybayon, mga syin metro lang an kaharayo.

Juan 6:11

Pakatapos kinuha ni Jesus an tinapay, nagpasalamat sa Dios kag ginpangpahatag sadto tanan na nagairingkod. Amo man an ginhimo niya sa duha ka bilog na isda kag nagkaraon sinda hasta na nagkaburusog.

Juan 6:9

“Igwa didi sin bata kag may dara siyaʼn lima ka bilog na tinapay kag duha ka bilog na isda pero sing-ano lang ina sani na kadamuan?”