Juan 20:19 - Masbatenyo

¹⁹ Pagkagab-i sadto na primero na adlaw san semana, nagtiripon an mga disipulos kag trangkado gayod an mga pwertahan san balay kay nahadlok sinda sa mga namumuno san mga Judio. Didi nag-abot si Jesus kag nagtindog sa tunga ninda na nagasabi, “An kalinawan hali sa Dios mapasa iyo.”

Juan 20:19 ပူးပေါင်းရင်းမြစ်များ

Mateo 10:13

Niyan kun magpadayon sa iyo an tagbalay, mapasa inda an iyo kalinaw pero kun dili, mapabalik sa iyo an kalinaw.

Mateo 18:20

kay kun hain man may duha o tulo na nagkatiripon dahilan sa akon ada ako kaupod ninda.”

Marcos 16:14

Pakatapos sani nagpakita si Jesus sa onse mismo myintras sinda nagakaraon sa lamesa. Gin-uritan niya sinda dahilan san inda pagduha-duha kag katig-ahan san inda mga tagipusuon kay habo magtuod sa mga nakakita na nabuhay gihapon siya.

Juan 14:27

An kalinaw ibibilin ko sa iyo kaya may kalinaw kamo hali sa akon. Iba ini san pagapalinaw sa iyo san katawuhan sa kinab-an na dili nagasunod sa akon. Kaya ayaw kamo kahandal kag kahadlok.

Juan 16:22

“Pareho man niyo na sugad nagmumundo pero magakirita gihapon kita. Tapos malilipay gayod kamo kag waraʼn makaulang sa iyo sana na kalipayan.

Juan 16:33

“Ini tanan ginsabi ko sa iyo agod magkaigwa kamo san kalinawan paagi sa pakig-usad sa akon. Magatios ugaling kamo didi sa kinab-an pero pakusuga an iyo buot kay nadaog ko na an poder didi sani na kinab-an.”

Juan 20:21

Tapos ginsabihan gihapon sinda ni Jesus, “An kalinawan hali sa Dios mapasa iyo. Ginasugo ta kamo pareho san pagsugo sa akon san Ama.”

Juan 20:26

Pagkaotro Domingo naman, adto gihapon an mga disipulos sa balay kag niyan kaupod na ninda si Tomas. Trangkado an mga pwertahan pero nagsulod si Jesus kag nagtindog sa tunga ninda. “An kalinawan hali sa Dios mapasa iyo,” an sabi niya sa inda.

Juan 21:1

Pakatapos sani, nagpakita gihapon si Jesus sa mga disipulos didto sa higad san Danaw san Tiberias kag amo ini an nangyari.

Juan 21:14

Ikatulo na beses ini na paghayag ni Jesus sa mga disipulos pagkabuhay niya gihapon.

Juan 7:13

Pero sa kahadlok sa mga namumuno san mga Judio waraʼn nagasurmaton sa hayag manungod sa iya.

Mga Himo 1:3

Sa sulod san 40 ka adlaw pagkapatay niya, nagpakita siya sa inda kag nagpamatuod naman na buhay siya sa damo na mga paagi. Sani nagsurmaton man siya manungod sa kahadian san Dios.

Roma 15:33

Mapasa iyo lugod tanan an Dios na ginhalinan san kalinaw sa isip. Amen.

1 Corinto 15:5

Nakita siya ni Pedro kag pakatapos, san iba man sa mga dose niya na apostoles.

Efeso 2:14

Kasadto bagaʼn may pader na nakaulang sa mga Judio kag mga dili-Judio. Magkaaway sinda. Pero si Cristo mismo an nagtumpag san pader. Kaya kalinawan an ginhatag niya sa aton kag ginpaurusad kita.

Efeso 6:23

Mga kamaranghod sa pagtuod, nangadyi ako na an Dios Ama kag an Ginooʼn Jesu-Cristo magapalinaw san iyo isip, magapakusog sa iyo pagsarig sa inda kag magapakaminuruutan sa iyo.

Filipos 1:2

Nagapangadyi ako na an Dios na aton Ama kag an Ginooʼn Jesu-Cristo magaataman sa iyo sin maayo kag magapalinaw san iyo isip.

2 Tesalonica 3:16

Nagapangadyi gayod kami na an Ginoo mismo na an ginhalinan san kalinaw hatagan kamo sin kalinaw sa tanan na oras kag sa tanan na paagi, kag upudan lugod kamo niya tanan.

Hebreo 7:2

Hinatagan naman siya ni Abraham sin ikanapulo na bahin san tanan niya na natipon sa gyera. Niyan, an gusto sabihon san ngaran ni Melquizedek “Hadi san Katanusan” kag ginatawag naman siya “Hadi san Salem.” An gusto sabihon san Salem kalinawan.

3 Juan 1:14

Ginalaom ko na makita ka dayon agod magkaistoryahan kita. Nagahangyo ako sa Dios na magapalinaw siya sa isip niyo. Ginakumusta ka san mga amigo mo didi. Ipangumusta man ako sa kada usad naton na mga amigo dida.

An Ginhayag 1:4

Amo ako si Juan na nagasurat sani sa iyo sa pito na mga simbahan sa probinsya san Asia. Nagapangadyi ako sa Dios na amo an sa niyan, an san kasadto kag an sa maabot na magaataman siya sa iyo kag magapalinaw san iyo isip. Hali man ini sa pito na espirito na ada sa atubangan san iya trono,