Juan 20:15 - Masbatenyo

¹⁵ Ginhunga siya ni Jesus. “Nano kay nagatangis ka? Sin-o an ginahanap mo?” Sa paghuna niya na si Jesus amo an nagaataman sadto na hardin kaya nagsabat siya, “Tio, kun ikaw an nagkuha sa iya itukdo sa akon kun diin mo ginbutang kay kukuhaon ko siya.”

Juan 20:15 ပူးပေါင်းရင်းမြစ်များ

Mateo 12:34

Pareho kamo sana kay baga kamoʼn kasawahan! Pan-o kamo makasurmaton sin maayo na kamo mismo maraot? Kay kun nano man an ada gayod sa tagipusuon amo man an ginasurmaton.

Mateo 28:5

Tapos nagsurmaton an anghel sa mga babayi, “Dili kamo dapat mahadlok kay aram ko na an ginahanap niyo si Jesus na ginpako sa krus.

Marcos 16:6

Nagsabi siya sa inda, “Dili kamo magngalas. Ginahanap niyo si Jesus na taga-Nazaret na ginpako sa krus. Nabuhay siya gihapon kaya wara na siya didi. Kitaa, amo ini an ginlubungan sa iya.

Lucas 2:44

Nagahuna sinda na si Jesus kaupod san iba na nagaralakat. San mausad na ka adlaw an inda paglakat ginparahanap na ninda si Jesus sa inda mga igmanghod kag mga kakilala.

Lucas 24:5

Sa dako na kahadlok nagduko an mga babayi. Pero ginhunga sinda san duha na lalaki, “Nano kay ginahanap niyo sa mga patay an buhay?

Juan 1:38

Paglingi ni Jesus nakita sinda na nagasunod kag ginhunga, “Nano an gusto niyo?” Nagsabat sinda, “Rabi, (na an gusto sabihon, Maestro) diin ka nagaistar?”

Juan 18:4

Pag-abot ninda didto, sinugat sinda ni Jesus kay aram niya an tanan na mangyayari sa iya. Kaya ginhunga niya, “Sin-o an ginahanap niyo?”

Juan 18:7

Hinunga gihapon niya sinda, “Sin-o man gayod an ginahanap niyo?” Nagsabat sinda, “Si Jesus na taga-Nazaret.”

Juan 20:13

Ginhunga ninda an babayi, “Nano kay nagatangis ka?” An sabat niya, “May nagkuha san lawas san akon Ginoo kag dili ko aram kun diin ninda ginbutang.”