Juan 13:27 - Masbatenyo

²⁷ Pakabaton naman sani ni Judas nagsulod sa iya si Satanas. Pakatapos ginsabihan siya ni Jesus, “Himua dayon an hihimuon mo.”

Juan 13:27 ပူးပေါင်းရင်းမြစ်များ

Mateo 12:45

Tapos magahali gihapon siya kag magatiripon pa sin pito na espirito na mas maraot pa sa iya. Didto naman sinda tanan magasulod kag magaistar. Dahilan sani mas grabe an kamutangan sadtoʼn tawo ki san dati. Kaya amo man an mangyayari sani na maraot na mga tawo na nabubuhay yana.”

Mateo 4:10

Pero, sinabat siya ni Jesus, “Humali ka, Satanas, kay nasurat, ‘Sambaha an Ginoo na imo Dios kag siya lang gayod an imo dapat pagsirbihan.’,”

Marcos 6:25

Nagbalik dayon an daraga pakadto sa hadi kag nag-ayo, “Gusto ko na ihatag mo sa akon sugad sana dayon an ulo ni Juan na Parabunyag na nakabutang sa bandihado.”

Lucas 22:3

Didi sinudlan ni Satanas si Judas na an apilyido Iscariote, usad san dose.

Juan 13:2

Myintras nagapanigab-i sinda Jesus kag san iya mga disipulos, si Judas na anak ni Simon Iscariote ginpaisip san dyablo na magtraydor kan Jesus.

Juan 13:28

Waraʼn adto sa lamesa na nakasabot kun nano kay ginsabi ini ni Jesus.

Juan 6:70

Nagsabat si Jesus. “Dili ba dose kamo na akon pinili pero demonyo an usad sa iyo?”

Mga Himo 5:3

Ugaling, gin-usisa siya ni Pedro, “Ananias, nano kay nagpadaog ka kan Satanas kaya nakabuwa sa Espirito Santo paagi sa pag-iban sa kinabaklanan san duta?