Efeso 5:14 - Masbatenyo

¹⁴ Pareho baga san ginasabi, “Magmata ka, ikaw na natuturog, hali sa kamatayon ikaw bumangon! Tapos si Cristo pagapawaan ka.”

Efeso 5:14 ပူးပေါင်းရင်းမြစ်များ

Lucas 1:78

Ini na pagpatawad paagi sa dako na kaluoy san aton Dios. An pagsalbar niya pareho san pagsirak sa aton san adlaw

Lucas 15:24

kay ginhuna na patay na ini na akon anak pero buhay gali. Naglayas pero nakabalik.’ Kaya nagkalipay sinda.

Juan 8:12

Nakisurmaton gihapon si Jesus sa mga tawo, “Ako an ilaw san kinab-an. An nagaupod sa akon dili magalakat sa kadulman san kasal-an kundi magakaigwa san ilaw na nagahatag-buhay.”

Juan 9:5

Myintras adi ako sa kinab-an ako an ilaw para sa mga tagakinab-an.”

Mga Himo 13:47

Matuod ini kay sugad sani an ginsugo sa amon san Ginoo na, ‘Ginbutang ko kamo na magin bagaʼn ilaw sa mga dili-Judio, agod madara niyo an pagkasalbar sa bilog na kinab-an.’,”

Roma 6:13

An mga parte san iyo lawas, ayaw man niyo igpahunod sa kasal-an para gamiton sani, kundi magpasakop kamo sa Dios bilang mga tawo na ginbuhay gihapon hali sa kamatayon kag an iyo lawas igpagamit lang gayod niyo sa iya para sa katanusan.

1 Corinto 15:34

Magpakatanos kamo kag udunga na niyo an paghimo sin maraot kay igwa sa iyo sin mga dili nakakilala sa Dios. Kaya ginasabi ko ini para maaluhan kamo.

2 Corinto 4:6

An Dios na nagsabi, “Magpahayag sin ilaw sa kadulman,” amo man an nagpawa san iya ilaw sa amon mga isip agod ipasabot kami san pagkaaram san iya pagkadios na ginhayag sa bayhon ni Cristo.

Efeso 2:1

Kasadto patay kamo sa pagkita san Dios bisan buhay an iyo mga lawas tungod kay nagasupak kamo kag nagkakasala sa Dios.

Colosas 3:1

Niyan, kay ginbuhay naman gihapon kamo sa pakig-usad kan Cristo, kaya kamut-an niyo an mga manungod sa Dios sa langit kun diin adto ginagalang si Cristo sa pagkaingkod sa banda tuo san trono san Dios.

1 Tesalonica 5:6

Kaya dili kita magparakaturog pareho san iba na dili nagahulat sa Ginoo kundi kinahanglan lugod pirme kita mata kag preparado an isip para sa iya pag-abot.

2 Timoteo 1:10

pero niyan ginhayag na sa aton paagi sa pag-abot san aton Parasalbar na si Cristo Jesus mismo. Ginhali niya an gahom san kamatayon kag paagi sa Maayo Na Barita ginhayag niya an buhay na waraʼn kamatayon.

2 Timoteo 2:26

Kaya, makapag-isip-isip sinda kag makadulag sa panlit-ag san Dyablo na nagdakop kag nagpirit sa inda na magsunod san iya pagbuot.