Efeso 2:20 - Masbatenyo

²⁰ Kamo man bagaʼn mga parte san balay na ginpatindog sa pundasyon na amo an mga apostoles kag mga propeta, na an primero kag pinakaimportante na bato amo si Jesu-Cristo.

Efeso 2:20 ပူးပေါင်းရင်းမြစ်များ

Mateo 16:18

Kaya tandai ini: ikaw ginatawag Pedro, kag didi sani na bato titipunon ko an akon mga katawuhan bilang akon simbahan. Dili ini kaya daugon san gahom hali sa impyerno.

Mateo 21:42

Tapos didi sinda ginhunga ni Jesus, “Nano, wara pa gayod niyo mabasa sa Banal Na Kasuratan, ‘An bato na ginhabuan sanmga parabalay amo lugod an nagin pinakaimportante na bato sa balay. An Ginoo an naghimo sani kag makangarawa gayod sa aton’?

1 Corinto 12:28

Tungod sani nagbutang an Dios san iya magasirbe sa mga nagatuod: una, mga apostol; ikaduha, mga propeta; ikatulo, mga paratukdo, tapos mga nagahimo sin mga milagro, mga nagapangayo sa mga may sakit, mga parabulig, mga namamahala kag mga nagasurmaton paagi san Espirito Santo san iba-iba na mga surmaton.

Galacia 2:9

Niyan, sinda Santiago, Pedro kag Juan an mga namumuno kuno san mga nagatuod didto. Kaya, san maaraman ninda an pagkatawag sa akon san Dios para sani na trabaho, gin-ako ninda kami ni Bernabe bilang mga paratrabaho man. Nagkauruyunan namon na kami ni Bernabe magatukdo sa mga dili-Judio kag sinda naman sa mga Judio.

Efeso 3:5

Wara ini ginpaaram sa mga katawuhan kasadto pero niyan ginhayag na ini na sikreto sa mga banal na apostoles kag mga propeta san Dios paagi sa Espirito Santo.

Colosas 2:7

Pahadaluma man an bagaʼn paggagamot sa pakig-usad sa iya. Magpadayon man kamo pagturubo na makusog sa iyo pagsarig susog sa gintukdo sa iyo. Tapos, pirme kamo magin mapinasalamaton.

1 Pedro 2:6

Matuod na nasurat na sa Banal Na Kasuratan an manungod kan Cristo, sugad sani, “Ginpili ko idtoʼn bato na may halaga na niyan ginabutang ko sa Sion bilang pinakamahalaga na bato sa pundasyon. An nagatuod sani na bato dili gayod mapapaaluhan.”

An Ginhayag 21:14

An pader san syudad igwaʼn dose na pundasyon na bato na ginsuratan san ngaran san dose na mga apostoles san Kordero.