An Ginhayag 17:9 - Masbatenyo

⁹ “Kinahanglan didi an isip na antigo. An pito na ulo sani na hayop amo an pito na bukid na ginaingkudan san babayi. Ini sinda pito man na hadi.

An Ginhayag 17:9 ပူးပေါင်းရင်းမြစ်များ

Mateo 13:11

Nagsabat si Jesus, “Kamo an gintugutan na maaraman an mga misteryo san kahadian san langit pero sa inda wara igtugut.

Mateo 24:15

“Niyan kasadto pa ginpahayag san propeta na si Daniel an manungod san ‘bagay na mauuritan gayod san Dios kag magapasira sa tawo.’ Dapat gayod na masabutan ini san nagabasa. Pakakita niyo na ini nakatungtong na sa banal na lugar,

An Ginhayag 13:1

Niyan, nagtindog an dragon sa baybayon sa higad san dagat. Pakatapos nakakita akoʼn hayop na nagbutwa sa dagat na may pito na ulo kag napulo na sungay. An kada sungay may korona kag nasusurat dida sa mga ulo sana an nakatuya sa Dios na ngaran.

An Ginhayag 13:18

Nagakinahanglan ini sin kadunungan. An madunong makaaram san gusto sabihon san bilang sani na hayop kay ini na bilang simbulo man san ngaran san usad na tawo. An numero sani 666.

An Ginhayag 17:18

An babayi na nakita mo amo an bantog na syudad na nagasakop sa mga hadi san kinab-an.”

An Ginhayag 17:3

San nasa gahom ako san Espirito, gindara ako san anghel sa disyerto. Didto may nakita akoʼn babayi na nakasakay sa pula na hayop na lukop sin mga ngaran na pakaraot sa Dios. Ini na hayop may pito na ulo kag napulo na sungay.

An Ginhayag 17:7

Pero naghunga sa akon an anghel, “Nano kay nangarat ka? Sasabihon ko sa imo an sikreto na gusto sabihon san babayi kag san hayop na may pito na ulo kag napulo na sungay na nasasakyan niya.