2 Corinto 11:21 - Masbatenyo

²¹ Makaaralo ngani pero aakuon ko na maluya an amon buot paghimo sana. Mala ngani kun may ginahambog sinda, igwa man ako sin ikakahambog pero nagasurmaton naman ako na bagaʼn buang.

2 Corinto 11:21 ပူးပေါင်းရင်းမြစ်များ

2 Corinto 10:10

Basi may nagasarabi, “Hadalom kag maisog ina kun magsurat, pero maluya naman kun kaatubang na namon kag dili mahusay magsurmaton.”

2 Corinto 11:1

Mapasensya man kuntani niyo ako kun bagaʼn buang ako kun minsan. Tabi man pasensyaha niyo ako!

2 Corinto 11:17

Kun sa bagay, sani na harambugan an akon ginasabi dili hali sa Ginoo kundi nagasurmaton man gayod ako na bagaʼn buang.

2 Corinto 13:10

Kaya ngani, an katuyuan ko sa pagsurat sani myintras harayo ako sa iyo kay agod pag-abot ko dida dili ko kinahanglan na paggamiton an akon gahom na may pagkaisog. Aram niyo, an gahom na hinatag sa akon san Ginoo para sa ikakapasarig sa iyo kag dili para sa ikakasira niyo.

2 Corinto 6:8

Ginahirimo namon ina bisan kami ginagalangan o ginadaug-daog, bisan kami ginatuya-tuya o ginadayaw. Bisan ngani ginapasibanghudan kamiʼn mga manluluko, nagasurmaton gihapon kami san kamatuudan.